NX Zero

NX Zero é unha banda brasileira de emocore, formada en São Paulo en 2001. Está formada por Diego Ferrero (vocalista), Leandro Rocha (vocalista e guitarrista), Daniel Weksler (batería), Conrado Grandino (baixista) e Filipe Ricardo (guitarrista).

En 2004 Urubuz Records publicou o seu primeiro disco, Diálogo?. No 2008 Arsenal Music / Universal Music publicou lles dous discos: NX Zero e Agora. Recentemente lanzaron un novo disco titulado Sete Chaves.

Historia

Inicio da banda

A banda comezou en 2001 formada polo guitarrista e vocalista Yuri Nishida. Nesa época, era un trío poderoso, con só un guitarrista, un baixista-vocalista (Philip) e un batería (Daniel Weksler), e tivo como influencia bandas como Face to Face, Foo Fighters e Millecolin. En 2003 Philip (vocalista e baixista) deixou a banda para cumprir o seu soño de ser aviador, e un ano despois fundou a banda Dossiê. Filipe (Fi) entrou na banda no último show que Philip fixo con NX Zero e foi nesa época de que eles coñeceron a Gee (Leandro Rocha), que tocaba nunha banda chamada (Enjoy). Mais antes de que este entrara a NX Zero, quen tocaba o baixo era Bruno (Gago) , quen chegou a gravar o primeiro demo. Gee chegou na época da gravación da demo verde (Meu coração desconfía que ainda há mais de que meus olhos possam ver) e esa demo estaba composta por 3 cancións: “Tarde Demais”, “Gritos do Silêncio” e “Razão de ser assim”.

En 2004, Yuri quería compartir a voz da banda e quixo facelo con Gee, mais el non quixo: con tantos problemas internos eles incluso chegaron a anunciar o fin da banda. Houbo un show en Hangar 110 (São Paulo) que ía ser o show de despedida de Gee e Yuri, no que Diego Ferrero ía facer unha participación especial nas últimas dúas cancións, pero Yuri e Gee desistiron de saír da banda. Sendo así, a banda quedou cos integrantes: Yuri (vocalista e guitarrista), Fi (guitarrista), Gee (baixista), Dani (batería) e Diego (vocalista).

Diego entrou na banda cando estaban gravando o CD Diálogo? e faltaban apenas unhas cancións para rematar a gravación. Cando o CD foi lanzado, ao final de 2004, Yuri xa non participaba en NX Zero, o motivo da súa saída foi por mor das “loitas internas”. Por ese motivo que hai dúas versións do CD Diálogo?: no CD da capa branca as dúas últimas cancións “Tarde Demais” e “Gritos do Silêncio” son cantadas por Yuri Nishida, e no da capa negra son cantadas por Diego Ferrero. As demais cancións do CD non foron modificadas e son cantadas polos dous. Gee non participou nas cancións “Ilusao” e “Promessa” por mor de que nesa época de gravación el había decidido deixar a banda, aínda que ao final el regresara a NX Zero.

Formación da banda

A banda quedouse con catro integrantes oficiais por case un ano. Nese tempo Gee continuou sento o baixista mais non lle gustaba tocar o baixo e mentres non conseguían un baixista para a banda, en algúns concertos (bando Dossiê) asumía o posto de baixo e Gee de guitarra. En xuño de 2005, Conrado Grandino, que nesta época tocaba nunha banda chamada Rancore, fixo o primeiro show como baixista de NX Zero e Gee converteuse no guitarrista da banda. Dende entón, a banda continua coa formación actual: Diego Ferrero (vocalista), Gee Rocha (guitarrista), Fi Ricardo (guitarrista), Daniel Weksler (batería) e Conrado Grandino (baixista).

Premios

Ano	Entrega	Premios
2007	Prêmio Multishow de Música Brasileira	Artista Revelación
2007	Mtv Video Music Brasil	Artista do ano
2007	Mtv Video Music Brasil	Canción do ano: "Razões e Emoções"
2008	Meus Prêmios Nick	Premio Slime
2008	Prêmio Multishow de Música Brasileira	Mellor Cantante Masculino: Di Ferrero
2008	Prêmio Multishow de Música Brasileira	Mellor Grupo
2008	Mtv Video Music Brasil	Artista do ano
2008	Mtv Video Music Brasil	Canción do ano: "Pela Última Vez"
2008	Mtv Video Music Brasil	Vídeo do ano: "Pela Última Vez"
2009	Prêmio Multishow de Música Brasileira	Mellor CD: Agora
2009	Meus Prêmios Nick	Banda Favorita
2009	Meus Prêmios Nick	Canción do Ano: "Cartas pra Você"
2009	Meus Prêmios Nick	MPN 10 Anos: Slime
2009	Mtv Video Music Brasil	Mellor Canción: "Cartas pra Você"
2009	Latin Grammy	Mellor Álbum: Agora