Nísyros - Νίσυρος

Nísyros - Νίσυρος
Vista da illa
Datos
Capital	Mandraki
País	Grecia
Localización	Mar Mediterráneo
Arquipélago	Dodecaneso
Linguas	Grego
Poboación (2001)	948 hab.
Superficie	41´6 km²
Densidade
Coordenadas	36°35.10′N 27°09.36′E
Maior Altura	698 m. Monte Profitis Elias
Localización

Nisiros é unha illa grega situada ao sur do mar Exeo. Forma parte do arquipélago do Dodecaneso e da rexión administrativa honónima cuxa capital é Rodas

Xeografía

A súa superficie é de 41 km² sendo o seu punto mais alto unha cima de 638 m, de orixe volvánico. É o volcán mais novo do mar Exeo, sendo a súa última erupción en 1887. O cráter do volcán mide 4 km de diámetro. A illa está rodeada de catro illotes tamén de orixe volcánico dun dos cales, o illote de Yali, extráese a pedra pómez dunha mina que cobre un terzo da súa superficie e que ten cincuenta anos de actividade, case no centro de Nisiros, na meseta de Lakki, atópase o cráter do volcán extinto Polibotes, de 260 m de diámetro e unha profundidade de 30 m. O aire circundante está saturado por un forte cheiro a xofre e a paisaxe é lunar.

A capital e o porto de Nisiros é Mandraki, situado ao noroeste ao pé dun outeiro abrupto. A blancura das súas casas contrasta coa escuridade da terra volcánica. Ao sur da illa atópase o pobo de Nikia, na cima dun outeiro a 400 m sobre o nivel do mar. As súas casas brancas coas portas e fiestras pintadas de vivas cores e os seus tellados de tella destacan sobre o campo circundante. Nisiros posúe fermosas praias entre as que destacan as de Mandraki, Joklaki, Agia Irini e Avlaki.

Historia

Unha lenda conta que durante a guerra entre os deuses e os xigantes Poseidón colleu unha roca de Kos para matar a Polibotes, formando así unha illa.

Un castelo construído polos cabaleiros da orde de San Juan de Xerusalén destaca ao sur da pequena cidade mentres que unha igrexa próxima está consagrada a Panagía Spiliani (A nosa señora das Covas). Cosntruída en 1600, esta relacionada con multitude de tradicións e encerra unha fermosa icona do século XVIII.

Economía

As fontes de auga quente da illa, coñecidas desde a antigüidade, seguen activas hoxe en día nas proximidades de Lutra, a 1'5 km de Mandraki. Pali, un pintoresco pobo de pescadores, atópase ao leste de Lutra. Os cultivos mais importantes da illa son a oliveira, a figueira, a vide e as árbores froiteiras.

Nisiros non é autosuficiente en auga doce. Recibe auga todos os anos, sobre todo no verán desde Rodas a un custo aproximado de 5 € por metro cúbico.