Musteriense

Na Galipedia, a Wikipedia en galego.
Un utensilio de comezos da Musteriense: núcleo de Sílex procedente do nível TD-11, en Atapuerca

Musteriense é unha cultura que se desenvolve no Paleolítico Medio. Debe o seu nome ao sitio arqueolóxico de Le Moustier, un acubillo rochoso na rexión de Dordoña en Francia descuberto en 1860 por Gabriel de Mortillet. Ferramentas de pedra similares atopáronse por toda a Europa subártica e tamén no Oriente Medio e norte da África.

Características[editar | editar a fonte]

As ferramentas musterienses asócianse principalmente cos neandertais en datas comprendidas entre o 300.000 a.C. e o 40.000 a.C. A industria lítica realízase basicamente sobre lascas e caracterízase polo uso da técnica de talla Levallois, que permite realizar ferramentas máis especializadas.

Deste período aparecen os primeiros rituais funerarios, o canibalismo ritual, o culto ao oso das cavernas (Ursus spelaeus).

O Musteriense divídese en varios grupos:

  • Musteriense de tradición Achelense tipo A
  • Musteriense de tradición Achelense tipo B
  • Musteriense típico
  • Musteriense de tipo Quina-Farrasie
  • Musteriense de denticulados