Munster Rugby

Munster Rugby

Nome completo	Munster Rugby
Alcume(s)	The Red Army
Fundación	1879
Localización	Munster, Irlanda
Estadio(s)	a) Thomond Park b) Musgrave Park
Capacidade	a) 26,500 b) 8,300
Presidente	Garrett Fitzgerald
Adestrador	Rob Penney
Capitán	Paul O'Connell
Máx. Anotador	Ronan O'Gara (2409)
Máis ensaios	Anthony Horgan (41)
Liga	Pro12
Tempada	2011-12
Posición	3º e semifinalista
Páxina web oficial
Na súa casa Fóra

En amarelo: Munster. En verde: Leinster.
En vermello: Ulster. En azul: Connacht.

Thomond Park de Limerick, fogar de Munster Rugby.

Munster Rugby é un equipo irlandés de rugby que compite a nivel profesional en competicións internacionais a nivel de clubs, como a Celtic League e a Heineken Cup.

O equipo representa á provincia de Munster, unha das 4 que compoñen a illa de Irlanda, e ten a súa sede principal en Limerick, malia que tamén disputa encontros en Cork. As outras 3 provincias de Irlanda están representadas polos equipos de Leinster Rugby, Ulster Rugby e Connacht Rugby, todos eles baixo a supervisión administrativa da IRFU.

Historia

Antes da creación das dúas competicións profesionais nas que compite actualmente, o equipo provincial de Munster xa existía. Foi fundado como equipo representativo da provincia en 1879, e nos anos do amateurismo competía coas outras 3 provincias irlandesas polo campionato anual Inter-Provincial Championship, que Munster gañou en 22 ocasións. Munster tense enfrontado á maioría das seleccións internacionais que visitaban Irlanda nas súas xiras, comezando polo encontro fronte Australia en 1947. Munster acadou un empate cos Wallabies en 1958, pero acadou 4 vitorias en 1967, 1981, 1992 e 2010. Fronte a Nova Zelandia, Munster empatou en 1973, pero conseguíu a vitoria en 1978.

Estadio

O principal terreo de xogo no que disputa os seus encontros Munster Rugby como local é o estadio Thomond Park de Limerick, recentemente reformado para acoller 26.500 seareiros. Munster tamén xoga algúns encontros no Musgrave Park de Cork, no que collen 8.300 persoas.

Xogadores

Ó longo da súa historia como equipo profesional, polas ringleiras de Munster Rugby teñen pasado estrelas internacionais do rugby como Christian Cullen, Doug Howlett ou Jean de Villiers, amais de grandes xogadores da casa como Ronan O'Gara, Peter Stringer, Denis Leamy, Donncha O'Callaghan, Keith Wood, Anthony Foley ou Paul O'Connell.

Palmarés

Títulos continentais

Competición	Títulos	-	2012	11	10	09	08	07	06	05	04	03	02	01	00	99	98	97	96
Copa de Europa	2	-	¼	g	½	½	C	¼	C	¼	½	½	F	½	F	¼	g	g	g

• C = Campión; F = Finalista; ½ = Semifinalista; ¼ = Cuartofinalista; g = Caeu na fase de grupos.

Títulos ligueiros

Competición	Títulos	-	2012	11	10	09	08	07	06	05	04	03	02
Liga celta	3	-	3	1	4	1	3	6	3	2	7	1	1

• Na táboa, o número indica a posición final ó remate da tempada regular. En vermello, ano no que foi campión. En rosado, ano no que foi subcampión. Nas tempadas 2001/02 e 2002/03 os equipos disputaron a liga regular divididos en ==dous grupos. Entre as tempadas 2003/04 e 2008/09 o formato da liga non contou con playoffs trala tempada regular.

Outros

• Irish Inter-Provincial Championships: 22 títulos Competición que disputa o equipo amateur.
• Celtic Cup: 1 título (2004/05) Competición desaparecida que só existiu durante 2 anos.

Tempada actual

RaboDirect PRO12 — Tempada 2012/13
Posto	Equipo	Puntos	Xogados	Gañ.	Emp.	Per.	BO	BD
1º	Ulster	81	22	17	1	4	8	3
2º	Leinster	78	22	17	0	5	9	1
3º	Glasgow	76	22	16	0	6	9	3
4º	Scarlets	66	22	15	0	7	3	3
5º	Ospreys	62	22	14	1	7	2	2
6º	Munster	54	22	11	1	10	4	4
7º	Treviso	50	22	10	2	10	4	2
8º	Connacht	38	22	8	1	13	1	3
9º	Cardiff	38	22	8	0	14	1	5
10º	Edinburgh	36	22	7	0	15	1	7
11º	Newport	28	22	6	0	16	1	3
12º	Zebre	10	22	0	0	22	1	9
<<<< 2011/12 — Tempadas — 2013/14 >>>> En azul      os equipos en play offs (1º, 2º, 3º e 4º). Na liga celta non hai descensos.

Véxase tamén

Ligazóns externas

• Páxina oficial de Munster Rugby (en inglés)