Mundial de Fútbol Uruguai 1930

Copa do Mundo de Fútbol 1930 Campeonato Mundial de Football 1930
Detalles do torneo
Organizador	Uruguai
Datas	13 – 30 de xullo de 1930
Equipos	13 (de 13 participantes)
Sedes	3 (1 cidade)
Resultado
Campión	Uruguai
Subcampión	Arxentina
Terceiro	Estados Unidos
Cuarto	Iugoslavia
Estatísticas
Partidos	18
Goles	70 (3,89 por partido)
Asistencia	434.500 (24.139 por partido)
Goleador	Guillermo Stábile (8)
Mellor xogador
Mellor porteiro
Xogo limpo
Italia 1934 ►►

O Mundial de Fútbol de 1930 (en castelán: 1er Campeonato Mundial de Football) foi a edición inaugural do campionato do mundo de equipos internacionais de fútbol asociación, a Copa do Mundo FIFA. Xogouse en Uruguai do 13 ao 30 de xullo. A Federación Internacional de Fútbol Asociación (FIFA) elixiu a Uruguai como país anfitrión xa que ía a celebrar o centenario da súa independencia, ademais de que a súa selección de fútbol viña de conseguir a medalla de ouro nos Xogos Olímpicos de 1928 en Ámsterdam. Tódolos partidos xogáronse na capital uruguaia, Montevideo, a maioría no Estadio Centenario, que foi construído para o torneo.

Trece equipos, sete de América do Sur, catro de Europa e dous de América do Norte participaron no torneo. A pouca participación de equipos europeos debeuse á duración (un mes) e o custo da viaxe. Os equipos foron divididos en catro grupos, avanzando o gañador de cada grupo cara ás semifinais. Os dous primeiros partidos do Mundial leváronse a cabo simultaneamente, sendo gañados por Francia e Estados Unidos, que venceron a México (4-1) e Bélxica (3-0), respectivamente. Lucien Laurent de Francia marcou o primeiro gol na historia do Mundial.

As seleccións de Arxentina, Uruguai, Estados Unidos e Iugoslavia accederon ás semifinais do torneo tras imporse nos seus respectivos grupos. Na final, o anfitrión Uruguai venceu a Arxentina por 4 goles a 2 ante 93.000 espectadores, converténdose no primeiro país en gañar o título mundial, ratificando o feito nos Xogos Olímpicos de 1924 e 1928. O máximo goleador foi o arxentino Stábile con 8 tantos.

Antecedentes

Dende a fundación da FIFA en 1904, expúxose a posibilidade de realizar un torneo a nivel mundial; con todo, a recentemente formada organización non contaba cos recursos e a infraestrutura necesaria para semellante evento. Así, pediron apoio ao Comité Olímpico Internacional, o que en 1906 aceptou a inclusión do fútbol nos seus eventos deportivos.

En 1914, a FIFA recoñeceu oficialmente ao torneo disputado nos Xogos Olímpicos como un «campionato mundial de fútbol para amateurs», tomando a responsabilidade de organizar o evento durante o seguintes tres citas Olímpicas: desde 1920 a 1928. Até esa data, a organización do certame de fútbol olímpico estivo a cargo de asociacións nacionais, tales como a Football Association de Inglaterra en 1908 e a Asociación Sueca de Fútbol en 1912.

Tralo paso dalgúns anos, o Congreso da FIFA realizado en 1928 na cidade de Ámsterdam, decidiu a realización finalmente dun torneo especializado, para o cal debería buscarse unha sede. Rapidamente, varios países europeos presentaron a súa candidatura (Italia, Hungría, os Países Baixos, España e Suecia) xunto á de Uruguai. Jules Rimet, presidente da FIFA neses anos estaba a favor da realización no país sudamericano, o cal se atoparía á data do Mundial celebrando o centenario da Xura da Constitución (18 de xullo de 1830) e que obtivera en forma consecutiva a medalla de ouro nos Xogos Olímpicos de 1924 e 1928. Ademais, as feridas da Primeira Guerra Mundial aínda non cicatrizaran completamente no continente europeo, polo que a preferencia pola realización en Uruguai serviría como unha forma de alentar á paz mundial.

O boicot

Países participantes no torneo, coloreados de acordo ao seus resultados no torneo.

Trala adxudicación do torneo a Uruguai, o Comité Organizador repartiu as invitacións para as dezaseis cotas para o torneo. Con todo, o rexeitamento continuo da maioría dos equipos de países do continente europeo foi sorprendente. Estes argumentaron a súa ausencia debido aos altos custos que implicaba a viaxe a través do Océano Atlántico e a forte crise económica que azoutara no último ano. Aínda cando os uruguaios ofreceron liquidar todos os gastos involucrados e compensar aos equipos de fútbol profesional pola ausencia dos seus xogadores, a maioría dos países europeos rexeitaron a invitación.

Só Francia, Bélxica, Iugoslavia e Romanía asistiron á cita en Montevideo. Francia foi practicamente obrigada a asistir debido á presión exercida por Jules Rimet, o cal tamén solicitou axuda persoalmente ao Rei Carlos II de Romanía. O monarca obrigou á participación dos seus xogadores, os cales foron elixidos o azar persoalmente polo rei nunha empresa petroleira romanesa. O seleccionado de Exipto anotouse para o torneo, pero pediu que movesen de data o comezo xa que non chegaban a tempo por culpa da viaxe en barco. Finalmente a FIFA non aceptou o pedido e Exipto non puido participar. No continente americano, Uruguai solicitou a axuda aos seus veciños para organizar o torneo. Aínda cando convidou a todos os países, moitos se negaron a pagar a suma de diñeiro solicitada como apoio á organización. Debido ao rexeitamento dos países europeos principalmente, a Copa debeu reducir o seu número de participantes de 16 a 13.

Equipos participantes

Grupo A	Grupo B	Grupo C	Grupo D
Arxentina  Chile  Francia  México	Bolivia  Brasil  Iugoslavia	Perú  Romanía  Uruguai	Bélxica  Estados Unidos  Paraguai

Sedes

O Estadio Centenario foi a sede da maioría dos partidos do torneo.

O Gran Parque Central foi onde se xogou o primeiro partido na historia dos Mundiais, entre Estados Unidos e Bélxica

Cidade	Estadio	Capacidade
Montevideo	Estadio Centenario	65.000
	Estadio Gran Parque Central	20.000
	Estadio Pocitos	10.000

Para o torneo, a intención dos organizadores era que tódolos partidos se disputasen nun só estadio, o Estadio Centenario, construído especialmente para a celebración da Copa Mundial. Con todo, as fortes choivas caídas en Montevideo antes da inauguración do campionato impediron que a súa construción fose finalizada a tempo. Dada esta situación os organizadores víronse obrigados a buscar outros estadios para celebrar neles os primeiros partidos, atopándose dentros destes o estadio Gran Parque Central (propiedade do Club Nacional de Football), escenario onde se xogou o primeiro partido na historia dos Mundiais. O Estadio Centenario foi oficialmente inaugurado o sexto día de competición e a partir dese momento todos os partidos xogáronse aí.

Resultados

Os horarios corresponden á hora de Uruguai (UTC-2)

Primeira fase

Grupo A

Equipo	Pts	PX	PG	PE	PP	GF	GC	DG
Arxentina	6	3	3	0	0	10	4	6
Chile	4	3	2	0	1	5	3	2
Francia	2	3	1	0	2	4	3	1
México	0	3	0	0	3	4	13	-9

Francia	4 - 1	México	13 de xullo de 1930, 15:00 – Estadio Pocitos, Montevideo Asistencia: 1.000 espectadores Árbitro: Domingo Lombardi (Uruguai)
Laurent  19' Langiller  40' Maschinot  43'  87'	Informe	Carreño  70'

Arxentina	1 - 0	Francia	15 de xullo de 1930, 16:00 – Estadio Parque Central, Montevideo Asistencia: 3.000 espectadores Árbitro: Almeida Rego (Brasil)
Monti  81'	Informe

Chile	3 - 0	México	16 de xullo de 1930, 14:45 – Estadio Parque Central, Montevideo Asistencia: 500 espectadores Árbitro: Henry Christophe (Bélxica)
Subiabre  3'  52' Vidal  65'	Informe

Chile	1 - 0	Francia	19 de xullo de 1930, 12:50 – Estadio Centenario, Montevideo Asistencia: 2.000 espectadores Árbitro: Aníbal Tejada (Uruguai)
Subiabre  65'	Informe

Arxentina	6 - 3	México	19 de xullo de 1930, 15:00 – Estadio Centenario, Montevideo Asistencia: 5.000 espectadores Árbitro: Ulises Salcedo (Bolivia)
Stábile  8'  17'  80' Zumelzú  12'  55' Varallo  53'	Informe	Rosas  42' (pen.)  65' Gayón  75'

Arxentina	3 - 1	Chile	22 de xullo de 1930, 14:45 – Estadio Centenario, Montevideo Asistencia: 1.000 espectadores Árbitro: Jan Langenus (Bélxica)
Stábile  12'  13' Evaristo  51'	Informe	Subiabre  15'

Grupo B

Equipo	Pts	PX	PG	PE	PP	GF	GC	DG
Iugoslavia	4	2	2	0	0	6	1	5
Brasil	2	2	1	0	1	5	2	3
Bolivia	0	2	0	0	2	0	8	-8

Iugoslavia	2 - 1	Brasil	14 de xullo de 1930, 12:45 – Estadio Parque Central, Montevideo Asistencia: 5.000 espectadores Árbitro: Aníbal Tejada (Uruguai)
Tirnanić  21' Bek  30'	Informe	Preguinho  62'

Iugoslavia	4 - 0	Bolivia	17 de xullo de 1930, 12:45 – Estadio Parque Central, Montevideo Asistencia: 800 espectadores Árbitro: Francisco Mateucci (Uruguai)
Bek  60'  67' Marjanović  65' Vujadinović  85'	Informe

Brasil	4 - 0	Bolivia	20 de xullo de 1930, 13:00 – Estadio Centenario, Montevideo Asistencia: 1.200 espectadores Árbitro: John Balway (Francia)
Moderato  37'  73' Preguinho  57'  83'	Informe

Grupo C

Equipo	Pts	PX	PG	PE	PP	GF	GC
Uruguai	4	2	2	0	0	5	0
Romanía	2	2	1	0	1	3	5
Perú	0	2	0	0	2	1	4

Romanía	3 - 1	Perú	14 de xullo de 1930, 14:50 – Estadio Pocitos, Montevideo Asistencia: 300¹ espectadores Árbitro: Alberto Warnken (Chile)
Deşu  1' Barbu  85' Stanciu  85'	Informe	Souza  75'

Uruguai	1 - 0	Perú	18 de xullo de 1930, 14:30 – Estadio Centenario, Montevideo Asistencia: 70.000 espectadores Árbitro: Jan Langenus (Bélxica)
Castro  65'	Informe

Uruguai	4 - 0	Romanía	21 de xullo de 1930 – Estadio Centenario, Montevideo Asistencia: 80.000 espectadores Árbitro: Almeida Rego (Brasil)
Dorado  7' Scarone  26' Anselmo  31' Pedro Cea  35'	Informe

¹ Cantidade máis baixa de espectadores nun partido da Copa do Mundo da historia.

Grupo D

Equipo	Pts	PX	PG	PE	PP	GF	GC
Estados Unidos	4	2	2	0	0	6	0
Paraguai	2	2	1	0	1	1	3
Bélxica	0	2	0	0	2	0	4

Estados Unidos	3 - 0	Bélxica	13 de xullo de 1930, 15:00 – Estadio Parque Central, Montevideo Asistencia: 10.000 espectadores Árbitro: José Macías (Arxentina)
McGhee  41'  45' Patenaude  88'	Informe

Estados Unidos	3 - 0	Paraguai	17 de xullo de 1930, 14:45 – Estadio Parque Central, Montevideo Asistencia: 800 espectadores Árbitro: José Macías (Arxentina)
Patenaude  10'  15'  50'	Informe

Paraguai	1 - 0	Bélxica	20 de xullo de 1930, 15:00 – Estadio Centenario, Montevideo Asistencia: 900 espectadores Árbitro: Ricardo Vallarino (Uruguai)
Vargas Peña  40'	Informe

Segunda fase

	Semifinais				Final
	Montevideo, 26 de xullo
	Uruguai	6
	Iugoslavia	1
					Montevideo, 30 de xullo
					Uruguai	4
					Arxentina	2
	Montevideo, 27 de xullo
	Arxentina	6
	Estados Unidos	1

Semifinais

Arxentina	6 - 1	Estados Unidos	26 de xullo de 1930, 14:45 – Estadio Centenario, Montevideo Asistencia: 80.000 espectadores Árbitro: Jan Langenus (Bélxica)
Monti  20' Scopelli  56' Stábile  69'  87' Peucelle  80'  85'	Informe	Brown  89'

Uruguai	6 - 1	Iugoslavia	27 de xullo de 1930, 14:45 – Estadio Centenario, Montevideo Asistencia: 93.000 espectadores Árbitro: Almeida Rego (Brasil)
Pedro Cea  18'  67'  72' Anselmo  20'  31' Iriarte  61'	Informe	Sekulić  4'

Terceiro posto

Iugoslavia negouse a participar no partido polo terceiro lugar como forma de protesta pola arbitraxe no seu partido ante Uruguai, onde se anulara un gol iugoslavo lexítimo. Así, Estados Unidos obtivo o terceiro posto. Con todo, segundo outras fontes o partido polo terceiro posto chegou a celebrarse, con vitoria iugoslava por marcador de 3-1.

Final

Uruguai	4 - 2	Arxentina	30 de xullo de 1930, 15:30 – Estadio Centenario, Montevideo Asistencia: 90.000 espectadores Árbitro: John Langenus (Bélxica)
Dorado  12' Pedro Cea  57' Iriarte  68' Castro  89'	Informe	Peucelle  20' Stábile  37'

Campión do Mundo
Uruguai Primeiro título

Anécdotas

Balón co que se disputou a final do Mundial.

O porteiro titular da selección de Uruguai para o Mundial era Andrés Mazzali, campión olímpico coa súa selección en 1924 e 1928, era un atleta tan completo, que ademais era campión sudamericano dos 400 metros valas, e xogaba ao baloncesto no Nacional de Montevideo. Mazzali, ademais, era unha persoa moi popular, foi así que unha noite chegou unha dama loura á concentración e Mazzali non tivo mellor idea que irse con ela; cando os dirixentes decatáronse deste suceso, o arqueiro foi expulsado do equipo, a pesar da negativa dos seus compañeiros, que querían brindarlle outra oportunidade. Así Mazzali, por culpa dunha loura, quedou sen Mundial, e sen a gloria de poder ser campión.

Os dous suramericanos chegaron á final, que foi emocionante e violenta. As dúas seleccións xa se enfrontaron nas finais das Olimpíadas e a Copa América, con repartición de éxitos. Arxentina gañaba 2 a 1 ao descanso, dominando claramente tamén o inicio da segunda parte. Con todo, os uruguaios,axudados por un xogo forte e o pulo do público, remontaron con goles de Iriarte, Cea e Castro. Os uruguaios convertéronse en heroes e aos arxentinos tachóuselles de covardes. Na final rexistrouse outro dato curioso, Arxentina e Uruguai querían xogar coa "súa pelota", polo tanto o árbitro tivo que decidir mediante sorteo con que pelota se xogaría o primeiro tempo, os arxentinos xogaron co seu balón no primeiro período, e logo os uruguaios xogaron co seu para o segundo tempo.

Os xogadores ingresaban ao terreo de xogo cunha chaqueta por riba da súa roupa deportiva co fin de pousar formalmente para a foto. Entr outro datos curiosos atópanse os seguintes. Non se rexistrou ningún empate no torneo. O francés Lucien Laurent entrou na historia como o primeiro anotador dos Mundiais, ocorreu no primeiro encontro ante México no Parque Pocitos, ante uns 1.000 espectadores. O arxentino Guillermo Stábile, alcumado "el filtrador" foi o máximo goleador do certame con 8 tantos. Unha das figuras de Uruguai, era Héctor Castro, que tiña a particularidade de que lle faltaba un brazo, debido a un accidente sufrido cunha serra eléctrica cando tiña 13 anos. A maior parte dos xogadores do equipo de Romanía pertencían a unha petroleira inglesa, o Rei Carlos de Inglaterra tivo que intervir ante a compañía para que deixasen ir aos xogadores ao Mundial. O equipo de Estados Unidos que chegou ás semifinais do torneo, estaba integrado na súa maioría por escoceses.

Estatísticas finais

Equipo		Pts	PX	PG	PE	PP	GF	GC	Dif	Rend
1	Uruguai	8	4	4	0	0	15	3	+12	100%
2	Arxentina	8	5	4	0	1	18	9	+9	80,0%
3	Estados Unidos	4	3	2	0	1	7	6	+1	66,6%
4	Iugoslavia	4	3	2	0	1	7	7	0	66,6%
5	Chile	4	3	2	0	1	5	3	+2	66,6%
6	Brasil	2	2	1	0	1	5	2	+3	50,0%
7	Francia	2	3	1	0	2	4	3	+1	33,3%
8	Romanía	2	2	1	0	1	3	5	-2	50,0%
9	Paraguai	2	2	1	0	1	1	3	-2	50,0%
10	Perú	0	2	0	0	2	1	4	-3	0,00%
11	Bélxica	0	2	0	0	2	0	4	-4	0,00%
12	Bolivia	0	2	0	0	2	0	8	-8	0,00%
13	México	0	3	0	0	3	4	13	-9	0,00%

Goleadores

O redondelán Pedro Cea, segundo máximo goleador do Mundial.

Xogador	Selección	Goles
Guillermo Stábile	Arxentina	8
José Pedro Cea	Uruguai	5
Guillermo Subiabre	Chile	4
Bert Patenaude	Estados Unidos	4
Pelegrín Anselmo	Uruguai	3
Ivan Beck	Iugoslavia	3
Carlos Peucelle	Arxentina	3
Preguinho	Brasil	2
Luis Monti	Arxentina	2
Adolfo Zumelzú	Arxentina	2
Moderato	Brasil	2
André Maschinot	Francia	2
Manuel Rosas	México	2
Héctor Castro	Uruguai	2
Pablo Dorado	Uruguai	2
Santos Iriarte	Uruguai	2
Bart McGhee	Estados Unidos	2

NOTA: Os datos sobre os partidos e goleadores son en base aos informes da FIFA. Porén, existen certos datos cuestionados por diversas fontes. Considéranse 2 puntos por partido gañado e 1 por partido empatado.

Véxase tamén

Outros artigos

• Uruguai
• Montevideo
• Mundial de fútbol

Ligazóns externas

• Uruguai 1930 en fifa.com