Mundial de Fútbol Sudáfrica 2010

Copa Mundial da FIFA 2010™ FIFA World Cup South Africa 2010™
Detalles do torneo
Organizador	Sudáfrica
Datas	11 de xuño – 11 de xullo
Equipos	32 (de 204 participantes)
Sedes	10 (de 9 cidades)
Resultado
Campión	España
Subcampión	Países Baixos
Terceiro	Alemaña
Cuarto	Uruguai
Estatísticas
Partidos	64 (16 de fase final)
Goles	145 (2,27 por partido)
Asistencia	3.178.856 (49.670 por partido)
Goleador	Thomas Müller David Villa Wesley Sneijder Diego Forlán (5 goles cada un)
Mellor xogador	Diego Forlán
Mellor porteiro	Iker Casillas
Xogo limpo	España
◄◄ Alemaña 2006      Brasil 2014 ►►

A Copa Mundial da FIFA Sudáfrica 2010™ (en inglés: FIFA World Cup South Africa 2010™) foi a edición número dezanove do Campionato Mundial de fútbol de seleccións, a competición máis importante deste deporte. O torneo comezou o 11 de xuño no Estadio Soccer City de Xohanesburgo, rematando un mes despois, o 11 de xullo, no mesmo recinto. O Mundial de Fútbol 2010 foi a culminación dunha fase de clasificación que comezou en agosto de 2007 involucrando a 204 dos 208 equipos nacionais rexistrados pola FIFA. Como tal coincide cos Xogos Olímpicos de 2008 como a competición deportiva con máis estados participantes.

Esta edición foi a primeira vez que se celebrou nunha nación africana, despois de que Sudáfrica vencese a Marrocos e a Exipto no proceso de elección. Esta decisión fai que a única confederación que aínda non acolleu esta competición sexa Oceanía. O sorteo para a fase final do torneo tivo lugar en Capetón o 4 de decembro de 2009.

España proclamouse campioa do mundo por primeira vez na historia, nunha disputada final contra os Países Baixos na que gañou 0-1 cun gol de Andrés Iniesta a cinco minutos do final da segunda parte da prórroga. A selección anfitrioa, Sudáfrica, ademais dos anteriores campión e subcampión, Italia e Francia, foron eliminados na fase de grupos, sendo a primeira vez que isto ocorre. As selección de Arxentina, Brasil e Alemaña abandonaron posteriormente o torneo nas roldas eliminatorias. Cómpre destacar que a selección de Nova Zelandia foi a única selección que non perdeu ningún partido en todo o torneo, xa que conseguiu empatar nos seus tres encontros da fase de grupos.

Antecedentes e elección

Nelson Mandela foi un dos principais promotores da candidatura de Sudáfrica.

Fans festexando a elección de Sudáfrica.

Dende os anos 1980 comezou a medrar a idea da realización dun torneo en África en resposta ao crecemento e desenvolvemento do fútbol no devandito continente e que se reflectía no progreso das seleccións do mesmo en diversos torneos internacionais. Até a edición de 2002, disputada en Asia, Europa e América organizaran exclusivamente o torneo desde a súa creación en 1930.

Para a elección da sede da Copa Mundial de Fútbol de 1994, Marrocos estivo a tres votos de derrotar aos Estados Unidos, e posteriormente volveu presentar candidaturas para as Copas de 1998 e 2006, sen lograr resultados exitosos. Nesta última elección, Sudáfrica presentou a súa candidatura co respaldo do presidente da FIFA, Joseph Blatter, pero os esforzos foron en balde: Alemaña adxudicouse o evento nunha rifada e polémica votación por un voto de diferenza. Trala derrota sudafricana, os dirixentes da FIFA decidiron establecer un criterio de "rotación continental" que permitise asegurar que o certame seguinte sería xogado en África, un dos grandes continentes que non albergara o evento. A FIFA permitiu soamente candidaturas africanas e seis países manifestaron as súas intencións.

Xunto a Sudáfrica e Marrocos, candidatas en eleccións anteriores, presentáronse Exipto, Libia, Nixeria e Tunisia. Nixeria abandonou a carreira nun comezo sen presentar a súa candidatura oficialmente ante a FIFA. Libia, doutra banda, anunciou que en caso de ser elixida non permitiría que Israel puidese participar no torneo, quedando descualificada; a pesar diso, persistiu coa súa candidatura até a presentación final. A FIFA desestimou a posibilidade de realizar un mundial en conxunto entre dúas nacións, polo que Tunisia, que pensaba nunha asociación cos libios, retirouse días antes da votación.

Así, tres candidaturas quedaron con posibilidades reais, con todo, a pelexa era principalmente entre Sudáfrica e Marrocos. Os marroquís presentábanse como unha ponte entre Occidente e o mundo musulmán, e unha alternativa próxima a Europa, mentres os surafricanos baseaban a súa postulación no seu desenvolvemento económico e experiencia en realización de eventos deportivos (como a Copa Mundial de Rugby e de críquet). O 15 de maio de 2004 realizouse a elección na cidade suíza de Zúric. Marrocos contou co apoio de Bélxica, España, Francia, Qatar, Tailandia, Turquía e os catro votos da Confederación Africana de Fútbol, mais ese dez votos foron insuficientes para contrarrestar o catorce votos dos outros representantes latinoamericanos que votaron por Sudáfrica; Exipto non recibiu ningunha preferencia. A vitoria sudafricana viuse selada con Nelson Mandela, principal figura da candidatura, levantando o trofeo da Copa Mundial.

Resultados da votación
País	Votos
República de Sudáfrica	14
Reino de Marrocos	10
República Árabe de Exipto	0

• República de Tunisia retirouse o 4 de maio de 2008 despois de facer unha oferta conxunta que non se permitiu
• Gran República Árabe Libia Popular e Socialista rexeitouse a candidatura por non cumprir os requirimentos e a oferta conxunta non se permitiu

Clasificación

Como país organizador, Sudáfrica clasificouse automaticamente ao torneo. Con todo, participou de igual xeito nas eliminatorias para o mundial debido a que estas eliminatorias tamén serven como rolda de clasificación para a Copa Africana de Nacións 2010 de Angola. Por isto, foron a primeira selección organizadora dende o Mundial de 1934 que toma parte desta fase da competición.

Ao igual que pasou na Copa do Mundo de 2006 os campións do anterior mundial non se clasificaron directamente, polo que Italia tivo que xogar a rolda previa. O sorteo para decidir as eliminatorias de clasificación para o Mundial 2010 foi realizado o 25 de novembro de 2007 en Durban, Sudáfrica.

Lista de participantes

As seguintes 32 seleccións clasificáronse para a fase final.

AFC (4) Australia Corea do Norte Corea do Sur Xapón CAF (6) Alxeria Camerún Costa do Marfil Gana Nixeria Sudáfrica (anfitrión)

CONCACAF (3) Estados Unidos Honduras México CONMEBOL (5) Arxentina Brasil Chile Paraguai Uruguai OFC (1) Nova Zelandia

UEFA (13) Alemaña Dinamarca Eslovaquia Eslovenia España Francia Grecia Inglaterra Italia Países Baixos Portugal Serbia Suíza

Países clasificados ao Mundial      Países non clasificados ao Mundial      Países que non participaron na clasificación      País non membro da FIFA

Esta é a primeira Copa do Mundo na que non participa ningún equipo que non se teña xa clasificado para edicións anteriores, xa que as dúas novas seleccións de Eslovaquia e Serbia xa se clasificaran formando parte de Estados desaparecidos. No caso de Eslovaquia fixérao competindo como parte da selección de Checoslovaquia, e no caso de Serbia como parte de Iugoslavia e posteriormente de Serbia e Montenegro. En ámbolos casos a FIFA considera que as seleccións manteñen os rexistros das súas predecesoras.

Porén, houbo algunhas controversias na clasificación, as que envolveron aos partidos xogados entre as seleccións de Francia e de Irlanda, de Costa Rica e Uruguai e de Exipto e Alxeria en novembro de 2009. No segundo encontro da eliminatoria ente Francia e Irlanda, o capitán da selección francesa Thierry Henry, non visto polo colexiado, golpeou o balón ilegalmente coa man dando ao seu equipo o gol da vitoria que clasificaba aos bleus ao mundial. Este incidente provocou un amplo debate sobre como ao partidos de alto nivel debían ser arbitrados. A FIFA rexeitou a petición da Federación Irlandesa de repetir o encontro, así como a petición de incluír aos irlandeses como equipo número 33 do mundial. No caso de América, a selección de Costa Rica queixouse polo da vitoria de Uruguai nesta eliminatoria definitiva para o mundial, mentres o encontro entre Exipto e Alxeria estivo rodeado por informes sobre problemas cos seareiros.

En resposta a todos estes incidentes durante a clasificación, e como arranxo á controversia, o 2 de decembro de 2009 a FIFA convocou unha xunta xeral extraordinaria do seu Comité Executivos. Despois da reunión, a FIFA anunciou o comezo dunha investigación sobre a aplicación da tecnoloxía e novos asistentes durante os encontros, mais non falaron sobre a esperada introdución dos xuíces de gol que xa se usaran durante os encontros de Europa League, reiterando que no Mundial só haberá un arbitro principal cos seus dous asistentes e un cuarto árbitro como é habitual.

Organización

Estadio Soccer City, Xohanesburgo.

Estadio Moses Mabhida, Durban.

Trala elección do país como sede, comezaron os preparativos para a organización do evento. Os principais investimentos, cubertas principalmente polo superávit impositivo, corresponden á infraestrutura tanto deportiva como de transporte e a redución das cifras de criminalidade. Así, máis de 8.400 millóns de rand (aproximadamente 1.100 millóns de dólares) foron destinados orixinalmente á remodelación e construción dos estadios, cuxas obras se iniciarían durante xaneiro de 2007 trala demolición de antigos recintos. A cifra, con todo, era equivalente a 3,5 veces o orzado durante a presentación da candidatura. Adicionalmente, o goberno anunciou que a policía nacional contaría para 2010 con 10.000 efectivos máis que nesa data.

Co paso dos meses, o desenvolvemento dos preparativos foi posto en cuestión e comezaron a xurdir rumores sobre un posible traslado da sede do torneo debido aos atrasos existentes. Franz Beckenbauer, presidente do Comité Organizador da Copa Mundial de Fútbol de 2006 manifestou publicamente a súa preocupación polo estado de avance das obras. Con todo, a FIFA ratificou que a sede non sería cambiada e que só se avaliaría aquilo ante un desastre natural de gran magnitude. Con todo, o 29 de xuño de 2008 o presidente da FIFA dixo ter un "Plan B" listo no caso de que o país africano tivese problemas na organización, aínda que ratificou a Sudáfrica como sede para a Copa Mundial de Fútbol de 2010. Días despois, especuláronse os nomes de posibles organizadores no caso de que Sudáfrica non puidese ser anfitrioa do mundial do 2010, Australia, España e Estados Unidos soaron bastante forte, debido a que o Estadio Nelson Mandela Bay de Port Elizabeth non estaría a tempo para a Copa FIFA Confederacións 2009. O 17 de xullo apareceu en distintos medios de comunicación que Brasil podía adiantar a súa sede en 2014 e realizar o mundial en 2010 e Sudáfrica pasaría a organizar o mundial no 2014.

En calquera caso, o Mundial finalmente celebrarase en Sudáfrica como estaba previsto, tal e como asegurou Joseph Blatter o 15 de decembro de 2008. Non só confirmou que o campionato se celebraría alí e que se descartou de maneira oficial calquera alternativa, senón que expresou publicamente a satisfacción que lle produce que se celebre este torneo por primeira vez en África.

Sedes

En 2005, os organizadores do evento anunciaron unha lista previa de trece sedes para o evento: Xohanesburgo e Pretoria presentaron dúas, mentres que Bloemfontein, Capetón, Durban, Kimberley, Nelspruit, Orkney, Polokwane, Port Elizabeth e Rustenburg, unha. A lista foi reducida ás dez sedes definitivas, sendo anunciada pola FIFA o 10 de marzo de 2006. Cinco estadios, incluíndo o Soccer City (sede do partido de apertura e clausura) serían remodelados, dous estadios serían demolidos e reconstruídos, mentres o tres restantes serían estadios totalmente novos.

Xohanesburgo	Durban	Cidade do Cabo	Xohanesburgo	Pretoria
Soccer City	Estadio Moses Mabhida	Cape Town Stadium	Ellis Park	Loftus Versfeld
Capacidade: 91.141	Capacidade: 70.000	Capacidade: 69.070	Capacidade: 62.567	Capacidade: 51.760
Port Elizabeth	Bloemfontein	Polokwane	Rustenburg	Nelspruit
Estadio Nelson Mandela Bay	Estadio Free State	Estadio Peter Mokaba	Estadio Royal Bafokeng	Estadio Mbombela
Capacidade: 48.000	Capacidade: 48.000	Capacidade: 46.000	Capacidade: 44.530	Capacidade: 43.589

Mapa das sedes

Símbolos

Zakumi

Zakumi

Zakumi é a mascota oficial deste mundial (creada o 16 de xuño de 1994). É un leopardo antropomórfico co cabelo verde, e o seu nome ven de "ZA", a abreviatura internacional para Sudáfrica, e "kumi", unha palabra que significa dez en varias linguas africanas. Ademais as cores da mascota reflicten as cores da camiseta de Sudáfrica (amarelo e verde) e as manchas teñen a forma do clásico pentágono dos balóns de fútbol.

A data de creación de Zakumi coincidiu cun día coñecido e celebrado como o Día da Xuventude en Sudáfrica e o ano 1994 marca as primeiras eleccións non raciais nacionais en Sudáfrica. A mascota fixo dezaseis anos o ano da celebración do mundial. O lema oficial de Zakumi é: "O xogo de Zakumi é o Fair Play". O lema foi amosado nos carteis publicitarios dixitais durante a Copa FIFA Confederacións 2009, e tamén durante a propia Copa do Mundo.

Jabulani

Jabulani

O balón oficial con que se xogará o campionato será o modelo Jabulani, fabricado pola marca Adidas. O Jabulani (que significa "celebrar" en zulú), deseñado pola Universidade de Loughborough do Reino Unido, ten once cores que representan os once xogadores de cada equipo, os once idiomas oficiais de Sudáfrica e as once comunidades surafricanas que darán a benvida ao mundo do primeiro Mundial de fútbol que ten lugar en África. Unha "versión dourada" deste balón, chamado Jo'bulani, será o utilizado na final da copa do mundo.

Vuvuzela

O Polbo Paul

Artigo principal: Vuvuzela.

Unha vuvuzela é unha clase de trompeta longa utilizada sobre todo no fútbol surafricano para animar aos equipos ao longo de todo o partido. Adoita estar feita de plástico e o son que emite, moi forte, pode lembrar o dun elefante ou, se hai moitas á vez, un enxame de abellas. As vuvuzelas empezaron a ser coñecidas en calquera parte do mundo a partir da Copa Confederacións 2009, disputada en Sudáfrica e, especialmente, dende o mundial de fútbol de 2010. Numerosos seareiros sopran vuvuzelas durante a integridade de todos os partidos que se disputan, un feito que provocou as queixas de xogadores, adestradores, comentaristas de radio e televisión e espectadores. Con todo, a FIFA móstrase contraria a prohibilas ao considerar que son un elemento inseparable da cultura futbolística surafricana.

Polbo Paul

Artigo principal: Polbo Paul.

Unha curiosidade deste mundial foron os dotes de adiviñación que se lle atribuíron a un polbo chamado Paul. Coñéceselle por prognosticar os resultados dos partidos nos que xogou Alemaña, na Eurocopa 2008 e o Mundial de Sudáfrica 2010, no que soamente se equivocou nun dos resultados. Debido ao gran interese mediático, fixeron que Paul prognosticase o resultado da final do Mundial 2010 aínda que non xogase a selección alemá, prognosticando a derrota da laranxa mecánica ante España, e este, pois, acertou.

Antes de cada partido internacional da selección alemá, a Paul presentáronselle dous colectores idénticos con comida: un deles estaba marcado coa bandeira de Alemaña e o outro coa bandeira do equipo opoñente. A elección de Paul interpretábase co equipo que logrará a vitoria. Desta forma, Paul escolleu correctamente catro do seis partidos que xogou Alemaña na Eurocopa 2008 e no primeiros seis partidos na Copa Mundial de Fútbol de 2010.Tamén predixo que España vencería a Alemaña na semifinal e acertou. O fenómeno mediático protagonizado por Paul fixo que moitos medios de comunicación considerasen que superou en popularidade á mascota oficial do campionato, o leopardo Zakumi.

Grupos

A Comisión Organizadora da FIFA aprobou o procedemento para o sorteo final o 2 de decembro de 2009. O sistema estaba baseado no décimo ranking mundial de seleccións FIFA, sendo sete selección elixidas como cabezas de serie máis Sudáfrica por ser a organizadora. O comité tamén aprobou a composición dos outros grupos para o sorteo, así como o procedemento para o sorteo final. Finalmente o grupo dous para o sorteo estaba composto por equipos de Asia, Oceanía e América do Norte, o tres cos equipos de África e América do Sur e o catro cos restantes de Europa.

Grupo para o sorteo 1	Grupo para o sorteo 2	Grupo para o sorteo 3	Grupo para o sorteo 4
Sudáfrica Brasil España Países Baixos Italia Alemaña Arxentina Inglaterra	Australia Corea do Norte Corea do Sur Xapón Estados Unidos Honduras México Nova Zelandia	Alxeria Camerún Costa do Marfil Gana Nixeria Chile Paraguai Uruguai	Dinamarca Francia Grecia Portugal Serbia Eslovaquia Eslovenia Suíza

Grupos finais

Grupo A	Grupo B	Grupo C	Grupo D
Sudáfrica	Arxentina	Inglaterra	Alemaña
México	Nixeria	Estados Unidos	Australia
Uruguai	Corea do Sur	Alxeria	Serbia
Francia	Grecia	Eslovenia	Gana

Grupo E	Grupo F	Grupo G	Grupo H
Países Baixos	Italia	Brasil	España
Dinamarca	Paraguai	Corea do Norte	Suíza
Xapón	Nova Zelandia	Costa do Marfil	Honduras
Camerún	Eslovaquia	Portugal	Chile

Calendario

Os horarios corresponden á hora de Sudáfrica (UTC+2)

Primeira fase

Grupo A

Artigo principal: Mundial de Fútbol Sudáfrica 2010 - Grupo A.

Equipo	Pts	PX	PG	PE	PP	GF	GC	Dif
Uruguai	7	3	2	1	0	4	0	+4
México	4	3	1	1	1	3	2	+1
Sudáfrica	4	3	1	1	1	3	5	-2
Francia	1	3	0	1	2	1	4	-3

Sudáfrica	1 - 1	México	11 de xuño de 2010, 16:00 – Estadio Soccer City, Xohanesburgo Asistencia: 84.490 espectadores Árbitro: Ravshan Irmatov (Usbequistán)
Tshabalala  55'	Informe	Márquez  79'

Uruguai	0 - 0	Francia	11 de xuño de 2010, 20:30 – Estadio Cape Town, Cidade do Cabo Asistencia: 64.100 espectadores Árbitro: Yuichi Nishimura (Xapón)
	Informe

Sudáfrica	0 - 3	Uruguai	16 de xuño de 2010, 20:30 – Estadio Loftus Versfeld, Pretoria Asistencia: 42.658 espectadores Árbitro: Massimo Busacca (Suíza)
	Informe	Forlán  24'  80' (pen.) Pereira  90+5'

Francia	0 - 2	México	17 de xuño de 2010, 20:30 – Estadio Peter Mokaba, Polokwane Asistencia: 35.370 espectadores Árbitro: Khalil Al Ghamdi (Arabia Saudí)
	Informe	Hernández  64' Blanco  79' (pen.)

México	0 - 1	Uruguai	22 de xuño de 2010, 16:00 – Estadio Royal Bafokeng, Rustenburg Asistencia: 33.425 espectadores Árbitro: Viktor Kassai (Hungría)
	Informe	Suárez  43'

Francia	1 - 2	Sudáfrica	22 de xuño de 2010, 16:00 – Estadio Free State, Bloemfontein Asistencia: 39.415 espectadores Árbitro: Óscar Ruiz (Colombia)
Malouda  70'	Informe	Khumalo  20' Mphela  37'

Grupo B

Artigo principal: Mundial de Fútbol Sudáfrica 2010 - Grupo B.

Equipo	Pts	PX	PG	PE	PP	GF	GC	Dif
Arxentina	9	3	3	0	0	7	1	+6
Corea do Sur	4	3	1	1	1	5	6	-1
Grecia	3	3	1	0	2	2	5	-3
Nixeria	1	3	0	1	2	3	5	-2

Corea do Sur	2 - 0	Grecia	12 de xuño de 2010, 13:30 – Estadio Nelson Mandela Bay, Port Elizabeth Asistencia: 31.513 espectadores Árbitro: Michael Hester (Nova Celandia)
Lee Jung-Soo  7' Park Ji-Sung  52'	Informe

Arxentina	1 - 0	Nixeria	12 de xuño de 2010, 16:00 – Estadio Ellis Park, Xohanesburgo Asistencia: 55.686 espectadores Árbitro: Wolfgang Stark (Alemaña)
Heinze  6'	Informe

Arxentina	4 - 1	Corea do Sur	17 de xuño de 2010, 13:30 – Estadio Soccer City, Xohanesburgo Asistencia: 82.174 espectadores Árbitro: Frank De Bleeckere (Bélxica)
Park Chu-Young  17' (p.m.) Higuaín  33'  76'  80'	Informe	Lee Chung-Yong  45+1'

Grecia	2 - 1	Nixeria	17 de xuño de 2010, 16:00 – Estadio Free State, Bloemfontein Asistencia: 31.593 espectadores Árbitro: Óscar Ruiz (Colombia)
Salpigidis  44' Torosidis  71'	Informe	Uche  16'

Nixeria	2 - 2	Corea do Sur	22 de xuño de 2010, 20:30 – Estadio Moses Mabhida, Durban Asistencia: 61.874 espectadores Árbitro: Olegário Benquerença (Portugal)
Uche  12' Yakubu  69' (pen.)	Informe	Lee Jung-Soo  38' Park Chu-Young  49'

Grecia	0 - 2	Arxentina	22 de xuño de 2010, 20:30 – Estadio Peter Mokaba, Polokwane Asistencia: 38.891 espectadores Árbitro: Ravshan Irmatov (Usbequistán)
	Informe	Demichelis  77' Palermo  89'

Grupo C

Artigo principal: Mundial de Fútbol Sudáfrica 2010 - Grupo C.

Equipo	Pts	PX	PG	PE	PP	GF	GC	Dif
Estados Unidos	5	3	1	2	0	4	3	+1
Inglaterra	5	3	1	2	0	2	1	+1
Eslovenia	4	3	1	1	1	3	3	0
Alxeria	1	3	0	1	2	0	2	-2

Inglaterra	1 - 1	Estados Unidos	12 de xuño de 2010, 20:30 – Estadio Royal Bafokeng, Rustenburg Asistencia: 38.646 espectadores Árbitro: Carlos Simon (Brasil)
Gerrard  4'	Informe	Dempsey  40'

Alxeria	0 - 1	Eslovenia	13 de xuño de 2010, 13:30 – Estadio Peter Mokaba, Polokwane Asistencia: 30.325 espectadores Árbitro: Carlos Batres (Guatemala)
	Informe	Koren  79'

Eslovenia	2 - 2	Estados Unidos	18 de xuño de 2010, 16:00 – Estadio Ellis Park, Xohanesburgo Asistencia: 45.573 espectadores Árbitro: Koman Coulibaly (Mali)
Birsa  13' Ljubijankič  42'	Informe	Donovan  48' Bradley  82'

Inglaterra	0 - 0	Alxeria	18 de xuño de 2010, 20:30 – Estadio Cape Town, Cidade do Cabo Asistencia: 64.100 espectadores Árbitro: Ravshan Irmatov (Usbequistán)
	Informe

Eslovenia	0 - 1	Inglaterra	23 de xuño de 2010, 16:00 – Estadio Nelson Mandela Bay, Port Elizabeth Asistencia: 36.893 espectadores Árbitro: Wolfgang Stark (Alemaña)
	Informe	Defoe  23'

Estados Unidos	1 - 0	Alxeria	23 de xuño de 2010, 16:00 – Estadio Loftus Versfeld, Pretoria Asistencia: 35.827 espectadores Árbitro: Frank De Bleeckere (Bélxica)
Donovan  90+1'	Informe

Grupo D

Artigo principal: Mundial de Fútbol Sudáfrica 2010 - Grupo D.

Equipo	Pts	PX	PG	PE	PP	GF	GC	Dif
Alemaña	6	3	2	0	1	5	1	+4
Gana	4	3	1	1	1	2	2	0
Australia	4	3	1	1	1	3	6	-3
Serbia	3	3	1	0	2	2	3	-1

Serbia	0 - 1	Gana	13 de xuño de 2010, 16:00 – Estadio Loftus Versfeld, Pretoria Asistencia: 38.833 espectadores Árbitro: Héctor Baldassi (Arxentina)
	Informe	Gyan  85' (pen.)

Alemaña	4 - 0	Australia	13 de xuño de 2010, 20:30 – Estadio Moses Mabhida, Durban Asistencia: 62.660 espectadores Árbitro: Marco Rodríguez (México)
Podolski  8' Klose  26' Müller  68' Cacau  70'	Informe

Alemaña	0 - 1	Serbia	18 de xuño de 2010, 13:30 – Estadio Nelson Mandela Bay, Port Elizabeth Asistencia: 38.294 espectadores Árbitro: Alberto Undiano Mallenco (España)
	Informe	Jovanović  38'

Gana	1 - 1	Australia	19 de xuño de 2010, 16:00 – Estadio Royal Bafokeng, Rustenburg Asistencia: 34.812 espectadores Árbitro: Roberto Rosetti (Italia)
Gyan  25' (pen.)	Informe	Holman  11'

Gana	0 - 1	Alemaña	23 de xuño de 2010, 20:30 – Estadio Soccer City, Xohanesburgo Asistencia: 83.391 espectadores Árbitro: Carlos Eugênio Simon (Brasil)
	Informe	Özil  60'

Australia	2 - 1	Serbia	23 de xuño de 2010, 20:30 – Estadio Mbombela, Nelspruit Asistencia: 37.836 espectadores Árbitro: Jorge Larrionda (Uruguai)
Cahill  69' Holman  73'	Informe	Pantelić  84'

Grupo E

Artigo principal: Mundial de Fútbol Sudáfrica 2010 - Grupo E.

Equipo	Pts	PX	PG	PE	PP	GF	GC	Dif
Países Baixos	9	3	3	0	0	5	1	+4
Xapón	6	3	2	0	1	4	2	+2
Dinamarca	3	3	1	0	2	3	6	-3
Camerún	0	3	0	0	3	2	5	-3

Países Baixos	2 - 0	Dinamarca	14 de xuño de 2010, 13:30 – Estadio Soccer City, Xohanesburgo Asistencia: 83.465 espectadores Árbitro: Stephane Lannoy (Francia)
Poulsen  46' (p.m.) Kuyt  85'	Informe

Xapón	1 - 0	Camerún	14 de xuño de 2010, 16:00 – Estadio Free State, Bloemfontein Asistencia: 30.620 espectadores Árbitro: Olegário Benquerença (Portugal)
Honda  39'	Informe

Países Baixos	1 - 0	Xapón	19 de xuño de 2010, 13:30 – Estadio Moses Mabhida, Durban Asistencia: 62.010 espectadores Árbitro: Hector Baldassi (Arxentina)
Sneijder  53'	Informe

Camerún	1 - 2	Dinamarca	19 de xuño de 2010, 20:30 – Estadio Loftus Versfeld, Pretoria Asistencia: 38.704 espectadores Árbitro: Jorge Larrionda (Dinamarca)
Eto'o  10'	Informe	Bendtner  33' Rommedahl  61'

Dinamarca	1 - 3	Xapón	24 de xuño de 2010, 20:30 – Estadio Royal Bafokeng, Rustenburg Asistencia: 27.967 espectadores Árbitro: Jerome Damon (Sudáfrica)
Tomasson  81'	Informe	Honda  17' Endō  30' Okazaki  87'

Camerún	1 - 2	Países Baixos	24 de xuño de 2010, 20:30 – Estadio Cape Town, Cidade do Cabo Asistencia: 63.093 espectadores Árbitro: Pablo Pozo (Chile)
Eto'o  65' (pen.)	Informe	van Persie  36' Huntelaar  84'

Grupo F

Artigo principal: Mundial de Fútbol Sudáfrica 2010 - Grupo F.

Equipo	Pts	PX	PG	PE	PP	GF	GC	Dif
Paraguai	5	3	1	2	0	3	1	+2
Eslovaquia	4	3	1	1	1	4	5	-1
Nova Zelandia	3	3	0	3	0	2	2	0
Italia	2	3	0	2	1	4	5	-1

Italia	1 - 1	Paraguai	14 de xuño de 2010, 20:30 – Estadio Cape Town, Cidade do Cabo Asistencia: 62.869 espectadores Árbitro: Benito Archundia (México)
De Rossi  63'	Informe	Alcaraz  39'

Nova Zelandia	1 - 1	Eslovaquia	15 de xuño de 2010, 13:30 – Estadio Royal Bafokeng, Rustenburg Asistencia: 23.871 espectadores Árbitro: Jerome Damon (Sudáfrica)
Reid  90+3'	Informe	Vittek  50'

Eslovaquia	0 - 2	Paraguai	20 de xuño de 2010, 13:30 – Estadio Free State, Bloemfontein Asistencia: 26.643 espectadores Árbitro: Eddy Maillet (Seixeles)
	Informe	Vera  27' Riveros  86'

Italia	1 - 1	Nova Zelandia	20 de xuño de 2010, 16:00 – Estadio Mbombela, Nelspruit Asistencia: 38.229 espectadores Árbitro: Carlos Batres (Guatemala)
Iaquinta  29' (pen.)	Informe	Smeltz  7'

Eslovaquia	3 - 2	Italia	24 de xuño de 2010, 16:00 – Estadio Ellis Park, Xohanesburgo Asistencia: 53.412 espectadores Árbitro: Howard Webb (Inglaterra)
Vittek  25'  73' Kopúnek  89'	Informe	Di Natale  81' Quagliarella  90+2'

Paraguai	0 - 0	Nova Zelandia	24 de xuño de 2010, 16:00 – Estadio Peter Mokaba, Polokwane Asistencia: 34.850 espectadores Árbitro: Yuichi Nishimura (Xapón)
	Informe

Grupo G

Artigo principal: Mundial de Fútbol Sudáfrica 2010 - Grupo G.

Equipo	Pts	PX	PG	PE	PP	GF	GC	Dif
Brasil	7	3	2	1	0	5	2	+3
Portugal	5	3	1	2	0	7	0	+7
Costa do Marfil	4	3	1	1	1	4	3	+1
Corea do Norte	0	3	0	0	3	1	12	-11

Costa do Marfil	0 - 0	Portugal	15 de xuño de 2010, 16:00 – Estadio Nelson Mandela Bay, Port Elizabeth Asistencia: 37.034 espectadores Árbitro: Jorge Larrionda (Uruguai)
	Informe

Brasil	2 - 1	Corea do Norte	15 de xuño de 2010, 20:30 – Estadio Ellis Park, Xohanesburgo Asistencia: 37.034 espectadores Árbitro: Viktor Kassai (Hungría)
Maicon  59' Elano  72'	Informe	Ji Yun-Nam  89'

Brasil	3 - 1	Costa do Marfil	20 de xuño de 2010, 20:30 – Estadio Soccer City, Xohanesburgo Asistencia: 84.455 espectadores Árbitro: Stephane Lannoy (Francia)
Luís Fabiano  25'  50' Elano  62'	Informe	Drogba  79'

Portugal	7 - 0	Corea do Norte	21 de xuño de 2010, 13:30 – Estadio Cape Town, Cidade do Cabo Asistencia: 63.644 espectadores Árbitro: Pablo Pozo (Chile)
Meireles  29' Simão  53' Almeida  56' Tiago  60'  89' Liédson  81' Ronaldo  87'	Informe

Portugal	0 - 0	Brasil	25 de xuño de 2010, 16:00 – Estadio Moses Mabhida, Durban Asistencia: 62.712 espectadores Árbitro: Benito Archundia (México)
	Informe

Corea do Norte	0 - 3	Costa do Marfil	25 de xuño de 2010, 16:00 – Estadio Mbombela, Nelspruit Asistencia: 34.763 espectadores Árbitro: Alberto Undiano Mallenco (España)
	Informe	Y. Touré  14' Romaric  20' Kalou  82'

Grupo H

Artigo principal: Mundial de Fútbol Sudáfrica 2010 - Grupo H.

Equipo	Pts	PX	PG	PE	PP	GF	GC	Dif
España	6	3	2	0	1	4	2	+2
Chile	6	3	2	0	1	3	2	+1
Suíza	4	3	1	1	1	1	1	0
Honduras	1	3	0	1	2	0	3	-3

Honduras	0 - 1	Chile	16 de xuño de 2010, 13:30 – Estadio Mbombela, Nelspruit Asistencia: 32.664 espectadores Árbitro: Eddy Maillet (Seixeles)
	Informe	Beausejour  34'

España	0 - 1	Suíza	16 de xuño de 2010, 16:00 – Estadio Moses Mabhida, Durban Asistencia: 62.453 espectadores Árbitro: Howard Webb (Inglaterra)
	Informe	Fernandes  52'

Chile	1 - 0	Suíza	21 de xuño de 2010, 16:00 – Estadio Nelson Mandela Bay, Port Elizabeth Asistencia: 34.872 espectadores Árbitro: Khalil Al Ghamdi (Arabia Saudí)
González  75'	Informe

España	2 - 0	Honduras	21 de xuño de 2010, 20:30 – Estadio Ellis Park, Xohanesburgo Asistencia: 54.386 espectadores Árbitro: Yuichi Nishimura (Xapón)
Villa  17'  51'	Informe

Chile	1 - 2	España	25 de xuño de 2010, 20:30 – Estadio Loftus Versfeld, Pretoria Asistencia: 41.958 espectadores Árbitro: Marco Rodríguez (México)
Millar  47'	Informe	Villa  24' Iniesta  37'

Suíza	0 - 0	Honduras	25 de xuño de 2010, 20:30 – Estadio Free State, Bloemfontein Asistencia: 28.042 espectadores Árbitro: Héctor Baldassi (Arxentina)
	Informe

Segunda fase

Artigo principal: Mundial de Fútbol Sudáfrica 2010 - Fase final.

Oitavos de final

Cuartos de final

Semifinais

Final

Port Elizabeth, 26 de xuño

Uruguai

2

Xohanesburgo, 2 de xullo

Corea do Sur

1

Uruguai

1

Rustenburg, 26 de xuño

Gana

1

Estados Unidos

1

Capetón, 6 de xullo

Gana

2

Uruguai

2

Durban, 28 de xuño

Países Baixos

3

Países Baixos

2

Port Elizabeth, 2 de xullo

Eslovaquia

1

Países Baixos

2

Xohanesburgo, 28 de xuño

Brasil

1

Brasil

3

Xohanesburgo, 11 de xullo

Chile

0

Países Baixos

0

Xohanesburgo, 27 de xuño

España

1

Arxentina

3

Capetón, 3 de xullo

México

1

Arxentina

0

Bloemfontein, 27 de xuño

Alemaña

4

Alemaña

4

Durban, 7 de xullo

Inglaterra

1

Alemaña

0

Pretoria, 29 de xuño

España

1

Terceiro posto

Paraguai

0

Xohanesburgo, 3 de xullo

Port Elizabeth, 10 de xullo

Xapón

0

Paraguai

0

Uruguai

2

Capetón, 29 de xuño

España

1

Alemaña

3

España

1

Portugal

0

Oitavos de final

Uruguai	2 - 1	Corea do Sur	26 de xuño de 2010, 16:00 – Estadio Nelson Mandela Bay, Port Elizabeth Asistencia: 30.597 espectadores Árbitro: Wolfgang Stark (Alemaña)
Suárez  8'  80'	Informe	Lee C-Y  68'

Estados Unidos	1 - 2	Gana	26 de xuño de 2010, 20:30 – Estadio Royal Bafokeng, Rustenburg Asistencia: 34.976 espectadores Árbitro: Viktor Kassai (Hungría)
Donovan  62' (pen.)	Informe	K. Boateng  5' Gyan  93'

Alemaña	4 - 1	Inglaterra	27 de xuño de 2010, 16:00 – Estadio Free State, Bloemfontein Asistencia: 32.652 espectadores Árbitro: Jorge Larrionda (Uruguai)
Klose  20' Podolski  32' Müller  67'  70'	Informe	Upson  37'

Arxentina	3 - 1	México	27 de xuño de 2010, 20:30 – Estadio Soccer City, Xohanesburgo Asistencia: 84.377 espectadores Árbitro: Roberto Rosetti (Italia)
Tévez  26'  52' Higuaín  33'	Informe	Hernández  71'

Países Baixos	2 - 1	Eslovaquia	28 de xuño de 2010, 16:00 – Estadio Moses Mabhida, Durban Asistencia: 61.962 espectadores Árbitro: Alberto Undiano Mallenco (España)
Robben  18' Sneijder  84'	Informe	Vittek  90+4' (pen.)

Brasil	3 - 0	Chile	28 de xuño de 2010, 20:30 – Estadio Ellis Park, Xohanesburgo Asistencia: 54.096 espectadores Árbitro: Howard Webb (Inglaterra)
Juan  34' Luís Fabiano  38' Robinho  59'	Informe

Paraguai	0 - 0 (Penaltis 5 - 3)	Xapón	29 de xuño de 2010, 16:00 – Estadio Loftus Versfeld, Pretoria Asistencia: 36.742 espectadores Árbitro: Frank De Bleeckere (Bélxica)
Barreto Barrios Riveros Valdez Cardozo	Informe	Endō Hasebe Komano Honda

España	1 - 0	Portugal	29 de xuño de 2010, 20:30 – Estadio Cape Town, Cidade do Cabo Asistencia: 62.955 espectadores Árbitro: Héctor Baldassi (Arxentina)
Villa  63'	Informe

Cuartos de final

Países Baixos	2 - 1	Brasil	2 de xullo de 2010, 16:00 – Estadio Nelson Mandela Bay, Port Elizabeth Asistencia: 40.186 espectadores Árbitro: Yuichi Nishimura (Xapón)
Melo  53' (p.m.) Sneijder  68'	Informe	Robinho  10'

Uruguai	1 - 1 (Penaltis 4 - 2)	Gana	2 de xullo de 2010, 20:30 – Estadio Soccer City, Xohanesburgo Asistencia: 84.017 espectadores Árbitro: Olegário Benquerença (Portugal)
Forlán  55' Forlán Victorino Scotti Pereira Abreu	Informe	Muntari  45+2' Gyan Appiah Mensah Adiyiah

Arxentina	0 - 4	Alemaña	3 de xullo de 2010, 16:00 – Estadio Cape Town, Cidade do Cabo Asistencia: 64.100 espectadores Árbitro: Ravshan Irmatov (Usbequistán)
	Informe	Müller  3' Klose  68'  89' Friedrich  74'

Paraguai	0 - 1	España	3 de xullo de 2010, 20:30 – Estadio Ellis Park, Xohanesburgo Asistencia: 55.359 espectadores Árbitro: Carlos Batres (Guatemala)
	Informe	Villa  83'

Semifinais

Uruguai	2 - 3	Países Baixos	6 de xullo de 2010, 20:30 – Estadio Cape Town, Cidade do Cabo Asistencia: 62.479 espectadores Árbitro: Ravshan Irmatov (Usbequistán)
Forlán  41' M. Pereira  90+2'	Informe	Van Bronckhorst  18' Sneijder  70' Robben  73'

Alemaña	0 - 1	España	7 de xullo de 2010, 20:30 – Estadio Moses Mabhida, Durban Asistencia: 60.960 espectadores Árbitro: Viktor Kassai (Hungría)
	Informe	Puyol  73'

Terceiro posto

Uruguai	2 - 3	Alemaña	10 de xullo de 2010, 20:30 – Estadio Nelson Mandela Bay, Port Elizabeth Asistencia: 36.254 espectadores Árbitro: Benito Archundia (México)
Cavani  28' Forlán  51'	Informe	Müller  19' Jansen  56' Khedira  82'

Final

Bandeiras dos Países Baixos e España durante a final

Artigo principal: Mundial de Fútbol Sudáfrica 2010 - Final.

A Final do Mundial de Fútbol de Sudáfrica 2010 disputouse o 11 de xullo de 2010 no Estadio Soccer City de Xohanesburgo. Xogouse entre as seleccións dos Países Baixos e España, resultando vencedora esta última por 0-1, cun gol de Andrés Iniesta a catro minutos do final da prórroga. O partido destacou polo seu inusual número de cartóns amarelos, a meirande parte producidos polos neerlandeses, que foron criticados polos seu xogo sucio.

Ambos equipos participantes, Países Baixos e España, competían por acadar o seu primeiro título de Campión do Mundo, xa que a selección neerlandesa xogara anteriormente sen éxito as finais de 1974 e 1978 e a española nunca conseguira chegar a unha, sendo o seu mellor posto até ese intre o cuarto acadado no mundial de Brasil 1950 the Netherlands and Spain were attempting to win their first FIFA World Cup. Esta final foi a segunda consecutiva que enfrontaba a equipos europeos e a primeira vez que un equipo dese continente a gañaba fóra do mesmo.

Países Baixos	0 - 1	España	11 de xullo de 2010, 20:30 – Estadio Soccer City, Xohanesburgo Asistencia: 84.490 espectadores Árbitro: Howard Webb (Inglaterra)
	Informe	Iniesta  116'

Premios e recoñecementos

Bota de Ouro

Para a designación do gañador da bota de ouro, tomáronse en conta en primeira instancia os goles (GF), seguido polas asistencias de goles realizadas (AST) e finalmente a menor cantidade de minutos xogados (MIN)..

Thomas Müller

Xogador	Selección	GF	AST	MIN
Thomas Müller	Alemaña	5	3	473'
David Villa	España	5	1	635'
Wesley Sneijder	Países Baixos	5	1	652'
Diego Forlán	Uruguai	5	1	654'
Gonzalo Higuaín	Arxentina	4	0	341'
Róbert Vittek	Eslovaquia	4	0	353'
Miroslav Klose	Alemaña	4	0	357'
Luis Suárez	Uruguai	3	2	543'
Landon Donovan	Estados Unidos	3	0	390'
Luís Fabiano	Brasil	3	0	418'
Asamoah Gyan	Gana	3	0	501'

Balón de ouro

O balón de ouro, que distingue ao mellor xogador de cada Copa Mundial, foille outorgado ao dianteiro uruguaio Diego Forlán, quen marcou cinco goles no torneo. Recibiu 23,4% dos votos das persoas acreditadas para este mundial, deixando atrás ao centrocampista neerlandés Wesley Sneijder e ao español David Villa.

Diego Forlán

Xogador	Selección	Votos
Diego Forlán	Uruguai	23,4%
Wesley Sneijder	Países Baixos	21,8%
David Villa	España	16,9%
Asamoah Gyan	Gana
Andrés Iniesta	España
Lionel Messi	Arxentina
Mesut Özil	Alemaña
Arjen Robben	Países Baixos
Bastian Schweinsteiger	Alemaña
Xavi Hernández	España

Equipo das estrelas

A FIFA divulgou o equipo ideal do torneo, o cal foi escollido mediante votación polos membros do club en FIFA.com.

Porteiros	Defensas	Centrocampistas	Dianteiros
Iker Casillas	Sergio Ramos Maicon Carles Puyol Philipp Lahm	Wesley Sneijder Xavi Hernández Andrés Iniesta Bastian Schweinsteiger	David Villa Diego Forlán

Outros premios

• Premio luva de ouro ao mellor porteiro: Iker Casillas
• Premio ao mellor xogador do partido final: Andrés Iniesta
• Mellor xogador menor de vinte e un anos: Thomas Müller
• Premio ao xogo limpo: España

Estatísticas

Sudáfrica - México

Inglaterra - Alxeria

Brasil - Chile

España - Portugal

Equipo		Pts	PX	PG	PE	PP	GF	GC	Dif	Rend
1	España	18	7	6	0	1	8	2	6	85,7%
2	Países Baixos	18	7	6	0	1	12	6	6	85,7%
3	Alemaña	15	7	5	0	2	16	5	11	71,4%
4	Uruguai	11	7	3	2	2	11	8	3	52,4%
5	Arxentina	12	5	4	0	1	10	6	4	80,0%
6	Brasil	10	5	3	1	1	9	4	5	66,7%
7	Gana	8	5	2	2	1	5	4	1	53,3%
8	Paraguai	6	5	1	3	1	3	2	1	40,0%
9	Xapón	7	4	2	1	1	4	2	2	58,3%
10	Chile	6	4	2	0	2	3	5	-2	50,0%
11	Portugal	5	4	1	2	1	7	1	6	41,7%
12	Estados Unidos	5	4	1	2	1	5	5	0	41,7%
13	Inglaterra	5	4	1	2	1	3	5	-2	41,7%
14	México	4	4	1	1	2	4	5	-1	33,3%
15	Corea do Sur	4	4	1	1	2	6	8	-2	33,3%
16	Eslovaquia	4	4	1	1	2	5	7	-2	33,3%
17	Costa de Marfil	4	3	1	1	1	4	3	1	44,4%
18	Eslovenia	4	3	1	1	1	3	3	0	44,4%
19	Suíza	4	3	1	1	1	1	1	0	44,4%
20	Sudáfrica	4	3	1	1	1	3	5	-2	44,4%
21	Australia	4	3	1	1	1	3	6	-3	44,4%
22	Nova Zelandia	3	3	0	3	0	2	2	0	33,3%
23	Serbia	3	3	1	0	2	2	3	-1	33,3%
24	Dinamarca	3	3	1	0	2	3	6	-3	33,3%
25	Grecia	3	3	1	0	2	2	5	-3	33,3%
26	Italia	2	3	0	2	1	4	5	-1	22,2%
27	Nixeria	1	3	0	1	2	3	5	-2	11,1%
28	Alxeria	1	3	0	1	2	0	2	-2	11,1%
29	Francia	1	3	0	1	2	1	4	-3	11,1%
30	Honduras	1	3	0	1	2	0	3	-3	11,1%
31	Camerún	0	3	0	0	3	2	5	-3	0,0%
32	Corea do Norte	0	3	0	0	3	1	12	-11	0,0%

Véxase tamén

Outros artigos

• República Sudafricana
• Copa do Mundo de Fútbol
• Fase final da Copa do Mundo de fútbol 2010
• Partido final da Copa do Mundo de fútbol 2010

Ligazóns externas

• Sitio web oficial da FIFA World Cup 2010
• Regulamento oficial da Copa do Mundo de Fútbol Sudáfrica 2010