Mourente, Pontevedra
Na Galipedia, a wikipedia en galego.
| Santa María de Mourente | |
|---|---|
 |
|
| igrexa parroquial | |
| Concello: | Pontevedra |
| Área: | 6,99 km² |
| Poboación: | (Ano 2008) 2.107 hab. |
| Densidade: | 301,4 hab./km² |
| Entidades de poboación: | 27 |
Santa María de Mourente é unha parroquia que se localiza no concello de Pontevedra. Segundo o INE no 2008 tiña 2.107 habitantes (1.086 mulleres e 1.021 homes), distribuídos en 27 entidades de poboación, o que supón unha diminución en relación ao ano 1999 cando tiña 2.157 habitantes.
Índice |
[editar] Lugares de interese
Entre os seus núcleos de poboación destaca Monte Porreiro, entidade de poboación considerada núcleo urbano debido ao espectacular crecemento demográfico que experimentou nos últimos anos. Na parroquia encóntrase un centro adscrito á Universidade Nacional de Educación a Distancia (UNED), así como a Cidade Infantil Príncipe Felipe e o hospital de Montecelo, que forma parte do Complexo Hospitalario de Pontevedra.
[editar] Patrimonio
Ademais da igrexa parroquial, do século XVIII e situada en Moldes, hai catro capelas na parroquia. A capela románica de san Mamede (dos séculos X e XI) está en ruínas. A capela de san Amaro está a carón do camposanto municipal de San Amaro. A capela de Moldes está no propio camposanto. A capela de Santa Margarida, de estilo románico, acolle no seu adro un carballo centenario de sona.
O 15 de agosto celébrase a festa patronal. Tamén se conmemora o día da Virxe do Carme (domingo anterior ao 16 de xullo) e santa Margarida (primeiro domingo de agosto). En marzo celébrase a festa gastronómica do Caldo Galego.
[editar] Trivia
O grupo musical coñecido coma Projecto Mourente, toma o nome desta parroquia.
[editar] Galería de imaxes
-
- Vexa tamén a galería de imaxes de Pontevedra
 Detalle do cruceiro de Mourente |
 Cruceiro de Mourente |
 Cruceiro de Mourente |
 Cruceiro de Mourente (1863) |
