Mosteiro dos Xerónimos

Na Galipedia, a Wikipedia en galego.

Coordenadas: 38°41′52″N 09°12′24″W / 38.69778°N 9.20667°W / 38.69778; -9.20667

Patrimonio da Humanidade - UNESCO
Mosteiro dos Xerónimos
(clasificación conxunta
coa Torre de Belén)
Mosteiro dos Geronimos 2.JPG
Mosteiro dos Xerónimos
Flag of UNESCO.svg Información Flag of UNESCO.svg
Inscrición: 1983
País: Portugal
Localización: 38º41'52"N 9º12'24"O
Rexión: Non dispoñible
Tipo: Non dispoñible
Criterios: C (iii) (vi)
Descrición UNESCO: fr en

Monumento á riqueza dos Descubrimentos, o Mosteiro dos Xerónimos sitúase en Belén, Lisboa, á entrada do Río Texo. Constitúe o punto máis alto da arquitectura manuelina e o máis notábel conxunto monástico do século XVI en Portugal e unha das principais igrexas-salón da Europa.

Destaca o seu claustro, completo en 1544, e a porta sur, de complexo deseño xeométrico, de fronte para o río Texo. Os elementos decorativos están repletos de símbolos da arte da navegación e de esculturas de plantas e animais exóticos.

O monumento forma parte da Lista de Patrimonio Mundial da UNESCO, e o 7 de xullo de 2007 foi elixido como unha das sete marabillas de Portugal.

Historia[editar | editar a fonte]

Encomendado polo rei D. Manuel I, pouco despois de Vasco da Gama regresar da a súa viaxe á India, financiouse en gran parte polos lucros do comercio de especias. Escollido o lugar, xunto ao río en Santa María de Belén, iníciase en 1502 a obra con varios arquitectos e construtores, entre eles Diogo Boitaca (plano inicial e parte da execución) e João de Castillo (bóvedas das naves e do transepto – esta cunha rede de nervuras en forma de estrela –, piares, porta sur, sancristía e fachada) que substitúe o primeiro en 1516/17. No reinado de D. Xoán III engadiuse o coro alto.

Deriva o nome por serlle entregada á Orde de san Xerónimo, nel estabelecida ata 1834. Sobreviviu ao sismo de 1755 mais foi danado polas tropas invasoras francesas enviadas por Napoleón Bonaparte no inicio do século XIX.

Inclúe, entre outros, os túmulos dos reis D. Manuel I e a súa muller, D. María, D. Xoán III e a súa muller D. Catarina, D. Sebastián e D. Henrique e aínda os de Vasco da Gama, de Luís Vaz de Camões, de Alexandre Herculano e de Fernando Pessoa.

Despois de 1834, coa expulsión das ordes relixiosas, o templo dos Xerónimos destinouse a igrexa parroquial da freguesía de Santa María de Belén.

Nunha extensión construída en 1850 está localizado o Museo Nacional de Arqueoloxía. O Museo da Mariña sitúase na ala oeste.

Galería de imaxes[editar | editar a fonte]

Véxase tamén[editar | editar a fonte]

Commons
Commons ten máis contidos multimedia sobre: Mosteiro dos Xerónimos

Ligazóns externas[editar | editar a fonte]