Mosteiro do Escorial

Na Galipedia, a Wikipedia en galego.
Patrimonio da Humanidade - UNESCO
Mosteiro e Sitio de El Escorial en Madrid
Vista aerea del Monasterio de El Escorial.jpg
Vista do Mosteiro desde o monte Abantos.
Flag of UNESCO.svg Información Flag of UNESCO.svg
Inscrición: 1984
País: España España
Localización: San Lorenzo de El Escorial (Madrid)
40°35′21.04″N 4°8′52.62″W / 40.5891778°N 4.1479500°W / 40.5891778; -4.1479500Coordenadas: 40°35′21.04″N 4°8′52.62″W / 40.5891778°N 4.1479500°W / 40.5891778; -4.1479500
Rexión: Europa e América do Norte
Tipo: Cultural
Criterios: i, ii, vi
Descrición UNESCO: fr en

O Mosteiro de San Lourenzo do Escorial é un complexo de palacio, basílica e mosteiro situado San Lorenzo de El Escorial, na Comunidade de Madrid, España, construído entre 1563 e 1584. É, desde 1984, Patrimonio da Humanidade pola UNESCO.

Características[editar | editar a fonte]

O palacio foi residencia da familia real española, a basílica é lugar de sepultura dos reis de España e o mosteiro, fundado por monxes xerónimos, está ocupado actualmente por frades da Orde de San Agustín. É unha das máis singulares arquitecturas renacentistas de España e de Europa. Situado en San Lorenzo de El Escorial, ocupa unha superficie de 33.327 m², sobre a ladera meridional do monte Abantos, a 1028 m. de altitude, na Serra de Guadarrama. Está xestionado por Patrimonio Nacional.

Coñecido tamén como Mosteiro de San Lourenzo O Real, ou, sinxelamente, O Escorial, foi ideado na segunda metade do século XVI polo rei Filipe II e o seu arquitecto Juan Bautista de Toledo, aínda que posteriormente interviñeron Juan de Herrera, Juan de Minjares, Giovanni Battista Castello e Francisco de Mora. O rei concibiu un gran complexo multifuncional, monacal e palaciano que, plasmado por Juan Bautista de Toledo segundo o paradigma da Traza Universal, deu orixe ao estilo herreriano.

Foi considerado, desde finais do século XVI, a Oitava Marabilla do Mundo, tanto polo seu tamaño e complexidade funcional como polo seu enorme valor simbólico. A súa arquitectura marcou o paso do plateresco renacentista ao clasicismo desornamentado. Obra inxente, de gran monumentalidade, é tamén un receptáculo das demais artes.

As súas pinturas, esculturas, pergameos, ornamentos litúrxicos e demais obxectos suntuarios, sacros e áulicos fan que O Escorial sexa tamén un museo. A súa complexa iconografía e iconoloxía mereceu as máis variadas interpretacións de historiadores, admiradores e críticos. O Escorial é a cristalización das ideas e da vontade do seu creador, o rei Filipe II, un príncipe renacentista.

Galería de imaxes[editar | editar a fonte]

Véxase tamén[editar | editar a fonte]

Commons
Commons ten máis contidos multimedia na categoría: Mosteiro do Escorial Modificar a ligazón no Wikidata

Ligazóns externas[editar | editar a fonte]