Monzón, España

Na Galipedia, a wikipedia en galego.

Castelo de Monzón

Localización da comarca do Cinca Medio en Aragón, na que se ubica Monzón

Monzón é unha cidade española e un concello da provincia de Huesca, situado na comarca do Cinca Medio. A súa poboación é de 17.050 habitantes en 2008, sobre unha superficie de 155 km².

[editar] Xeografía

A localidade de Monzón érguese xunto dos ríos Cinca e Sosa, baixo un castelo, que se levanta no alto dun outeiro. Monzón está atravesado pola estrada N-240 e máis polo camiño de ferro Madrid - Barcelona. Posúe importantes industrias quimicas.

[editar] Historia

A cidade espallouse baixo o amparo do castelo, que a domina desde o alto.

Na época de dominación musulmá se disputaban Monzón os Banu Sabrit de Huesca e os Banu Qasi de Lleida. No século XI pertenecía á liñaxe dos Banu Hud, sosténdose que foi tomada polo Cid en 1083. Aos cristiáns compríalles conquistar Monzón para cortar as comunicacións entre os reinos taifas de Zaragoza e Lleida.

O infante Pedro tomou Monzón en 1089, cando aínda reinaba seu pai Sancho Ramírez de Aragón. Sancho Ramírez creou entón o Reino de Monzón para o infante, o futuro Pedro I, antes de que fose rei de Aragón. En 1143 pasou a pertencer aos templarios.

Durante a Guerra de Cataluña, no reinado de Filipe IV de España, foi tomado no 1642 polas tropas franco-catalanas, dirixidas por Philippe de La Motte Houdancourt. No ano seguinte polas tropas castelás de Felipe da Silva.

[editar] Nome

Tense sostido que provén de Monte de Sión, nome que serviría para ilustrar as relacións dos templario e as cruzadas en Terra Santa. Porén o nome é anterior a eles. Como outras localidades de Portugal, Italia ou Francia, Monzón provén do latín *montione(m), un aumentativo / afectivo de monte(m), acusativo de mons, montis "monte", posibelmente en alusión ao outeiro0 sobre o que se ergue a fortaleza da localidade

[editar] Monumentos

Destacan, sobretodo:

• O castelo costruído polos templarios, sobre unha fortaleza anterior árabe.
• Catedral de Santa María do Romeral, dos séculos XII e XIII.
• Convento de Sant Francisco, habitado até 1835 (actualmente é a sede do Conservatorio Profesional e máis do auditorio de Monzón).
• Ermida da virxe da Alegría, do século XVII.
• Casa do Concello, dos séculos XVI-XVII.
• Porta de Luzán.
• Muralla romànica.

[editar] Festas

• San Mateo (Festas Maiores), o 21 de setembro.
• Luns de Pascoa, romaría na ermida de Nosa Señora do Enfuelgo.

[editar] Personalidades orixinarias de Monzón

• Ignacio de Luzán (1702–1754), ilustrado do XVIII, autor dunha "Poética".
• José Mor de Fuentes (1762-1848), enxeñeiro naval y escritor.
• Joaquín Costa y Martínez (1846–1911): intelectual e reformador.
• Javier Moracho, ex-atleta.
• Conchita Martínez (n. 1972), tenista.