Monte Rushmore

Na Galipedia, a Wikipedia en galego.
As facianas (de esquerda a dereita) de George Washington, Thomas Jefferson, Theodore Roosevelt e Abraham Lincoln

O Monte Rushmore (en inglés: Mount Rushmore National Memorial), situado en Keystone, Dacota do Sur, conmemora o nacemento, o crecemento, a conservación e o desenvolvemento dos Estados Unidos de América. O Parque Nacional Monte Rushmore ten 5,17 km². Entre 1927 e o 31 de outubro de 1941, Gutzon Borglum e 400 traballadores tallaron os bustos colosais de 18 metros dos presidentes George Washington, Thomas Jefferson, Theodore Roosevelt e Abraham Lincoln que representan os primeiros 150 anos da historia dos Estados Unidos. Os modelos do xeso e as ferramentas que se usaron na construción das esculturas seguen alí. Recentemente, tras dez anos de traballos de reconstrución, construíuse unha extensa rede de instalacións para servizos complementarios e beirarrúas. Hai novas sendas para peóns que proporcionan visións espectaculares desde a parte posterior de Abraham Lincoln. O mantemento do monumento é un desafío único para os conservadores, porque require escalar a montaña para eliminar liques e limpar as esculturas.

Air Force One sobrevoando o Monte Rushmore

O monumento serve como fogar a moitos animais e plantas representativas dos Outeiros Negros (Black Hills) de Dacota do Sur. As formacións xeolóxicas do interior da rexión son tamén evidentes, incluíndo grandes zonas de granito e de mica. A formación de roca tállase nun sitio sacro de Lakota Native American. Un Memorial Crazy Horse (Monumento a Cabalo Tolo), comezado en 1948, estase tallando actualmente preto de Dacota do sur. O Monte Rushmore foi nomeado monumento nacional o 3 de marzo de 1925.

O 8 de xullo de 2005 comezaron os traballos de limpeza das caras por parte de Alfred Kaercher GmbH & Co., unha empresa alemá de máquinas de limpeza. Alfred Kaercher GmbH & Co. ofreceuse a limpar as caras de forma gratuíta. É a primeira vez que na historia do monumento foi lavado con auga a presión.

Aparicións[editar | editar a fonte]

  • O monumento aparece na escena final da película Coa morte nos talóns (North by Northwest) de Alfred Hitchcock.
  • En Superman II, o xeneral Zod e os seus secuaces desfiguran o monumento, usando superpoderes substitúen tres bustos coas súas propias caras e eliminan a cuarta cara.
  • En Mars Attacks!, os marcianos desde un OVNI esculpen as súas caras no Monte Rushmore, substituíndo os bustos dos Presidentes.
  • Na película Abra catástrofe de Os Padriños Máxicos, cando o mono pide un desexo e converte a terra nunha selva, substitúen os bustos dos Presidentes e convértenos en gorilas. Outra escena da película, cando Denzel Crocker cambia a terra substitúe os bustos dos Presidentes e convérteos en caras de Crocker.
  • Nun capítulo de O Laboratorio de Dexter, Dexter e o seu inimigo Cerebro mediante aplicacións de enerxía eléctrica danlle vida a George Washington e a Abraham Lincoln, e así pelexan entre si e destrúen a súa cidade.
  • Na película Team America a base de operacións do Team atópase no interior do monumento.
  • Na serie Pai de Familia Lois e Peter foxen polo Monte Rushmore ao ser perseguidos por Mel Gibson, despois manteñen relacións sobre o busto de Washington e as cabezas ponse a falar.
  • No videoxogo Pilotwings 64 nunha das misións aparece o monumento co busto de Washington subtituído polo de Mario. Se o xogador disparáballe un proxectil co Gyrocopter ou se lanzaba co canón ao busto de Mario este transformábase no busto de Wario.
  • Na película Ricky Ricón, os pais do protagonista mandaron a tallar nunha montaña as caras do señor e a señora Ricón e o seu fillo, de forma moi similar á que ten o Monte Rushmore.
Na serie Phineas y ferb. Phineas y ferb deciden tallar o busto da súa irma candance no lugar de habraham lincon, como regalo de aniversario.

O Monte Rushmore na literatura[editar | editar a fonte]

William Dembski usa o Monte Rushmore como exemplo dun obxecto que sería recoñecido como produto dun deseño intelixente.

Ligazóns externas[editar | editar a fonte]

Commons
Commons ten máis contidos multimedia sobre: Monte Rushmore