Monte Arkle

Na Galipedia, a Wikipedia en galego.
Vista da cara suroeste do monte Arkle. En primeiro termo, o lago Stack.

O monte Arkle é un cumio relativamente baixo do noroeste de Escocia pero dunha característica forma que lle deu notoriedade.

Localización[editar | editar a fonte]

O monte sitúase no medio dunha pequena chaira, completamente rodeado de lagos, ao sur do antigo condado de Sutherland e ao norte da recente área municipal da Terra Alta. Atópase ao sur do monte Foinaven e ao norte do lago Stack, no centro dunha zona practicamente deshabitada.

Características[editar | editar a fonte]

O Arkle ten unha altura de 787 m (2.580 pés), polo que está clasificado entre os corbetts, os montes escoceses que teñen entre 2.500 e 3.000 pés. É polo tanto unha montaña de altitude media, pero que ten unha prominencia de 690 m, é dicir, que está rodeada de elevacións que non chegan aos 100 m. Por esa razón ten unha silueta moi recoñecible e distinguible na distancia.

Está formada por unha gran masa de cuarcita sobre un leito de gneis. A maior dureza da cuarcita e a erosión deron lugar á súa particular forma.

Curiosidade[editar | editar a fonte]

Arkle significa olmo en gaélico escocés.