Na Galipedia, a Wikipedia en galego.
O Montañeros Club de Fútbol Banco Gallego é un club de fútbol galego da cidade da Coruña. Foi fundado en 1967 e chegou a competir na Segunda División B entre as tempadas 2009–10 e 2011–12. No ano 2012, e tralo descenso a Terceira División, o club decidiu disolver a equipo senior para se centrar no traballo coas categorías inferiores.
O Montañeros xorde coma un equipo afeccionado no ano 1968 a partir dunha asociación de "boy scouts" chamada Asociación Juvenil Montañeros del Sagrado Corazón vinculada ao colexio dos xesuítas da Coruña, que se dedicou posteriormente só ao fútbol. Pouco a pouco comezou a facerse notar nas divisións rexionais galegas, e foi avanzando categorías ata chegar a ser profesional. Na tempada 2006-07 conseguiron o cuarto ascenso consecutivo de categoría chegando á Terceira División, e na súa primeira tempada conseguiron salvar a categoría quedando no oitavo posto.
Na tempada 2008-09 o equipo rematou na segunda posición, posto que lle fixo disputar os playoffs polo ascenso. Aínda que non conseguiu ascender de categoría no terreo de xogo xa que perdeu contra o Hellín Deportivo, o descenso administrativo do Cidade de Santiago fíxolle ocupar a súa praza coma mellor galego clasificado.[3] Por esta razón, o Montañeros debutou na tempada 2009-10 na Segunda División B, quedando 10º. Logo de tres anos na categoría de bronce, remata a tempada 2011-12 en 18º lugar e descende á Terceira División.
Porén, a falla de apoios económicos provocou que o equipo nunca chegase a competir de novo nesa categoría. O 1 de xuño de 2012, o Montañeros anuncia a disolución do seu equipo senior e a súa vontade de centrarse no traballo coa canteira.[4]
Nas categorías inferiores, o club conta con 22 equipos en diversas competicións. Ademais, dende a década do 2000, a institución pasou a estar vinculada ao Banco Gallego e mantén tamén un convenio co Deportivo da Coruña.
- Uniforme titular: Camiseta branca, pantalón branco e medias brancas.
- Uniforme alternativo: Camiseta azul mariña, pantalón azul mariño e medias azul mariño.
A marca que fornece os equipamentos é Adidas, e o patrocinador do club é Banco Gallego.
O Montañeros non conta con estadio en propiedade. Xoga os seus partidos coma local no campo de A Grela, que ten unha capacidade de 1.500 espectadores e céspede artificial, inda que tamén xoga algúns partidos no campo de Elviña. Tamén emprega as instalacións da Cidade Deportiva de Abegondo, propiedade do Deportivo da Coruña.
Datos do club [editar]
- Tempadas en 1ª: 0
- Tempadas en 2ª: 0
- Tempadas en 2ªB: 3
- Tempadas en 3ª: 2
- Mellor posto na liga: 10º (2ª B, tempada 2009-10)
- Participacións na Copa do Rei: 0
- Promocións de ascenso a Segunda B: 1 (0 ascensos)
Historial na liga [editar]
Derradeira formación senior [editar]
- Tempada 2011-2012
Véxase tamén [editar]
Ligazóns externas [editar]
|
|
|
| Federación |
|
|
| Selección |
|
|
| Equipos |
|
|
| Outras competicións |
|
|
| Futbolistas galegos |
|
|
| Adestradores galegos |
|
|
| Estadios |
|
|
| Páxina web |
|
|
Fausto Vázquez
