Monopolo magnético

Na Galipedia, a Wikipedia en galego.

En física un monopolo magnético é unha partícula hipotética que formulou por primeira vez Paul Dirac en 1931.

Todos os imáns que coñecemos, é dicir, obxectos que crean un campo magnético debido a que están imantados, son dipolos magnéticos, é dicir, posúen un polo norte dende o que saen as liñas de campo e un polo sur polo que as liñas de campo regresan ó interior do obxecto. Un monopolo magnético é un concepto teórico que define a un obxecto que só emita liñas de campo ou que só as recolla, un obxecto que só teña polo norte ou polo sur. Non se coñece polo momento ningún obxecto con esta característica, aínda que as teoría do big bang predí que nalgún lugar do universo deberían existir.