Monoblastozoos

Na Galipedia, a Wikipedia en galego.
(Redirixido desde "Monoblastozoo")
Monoblastozoos
(Monoblastozoa)
Salinella salve Frenzel.jpg
Clasificación científica
Dominio: Eukaryota
Reino: Animalia
Filo: Monoblastozoa
Frenzel, 1892
Familia: Salinellidae
Frenzel, 1892
Xénero: Salinella
Frenzel, 1892
Especie
  • Salinella salvae Frenzel, 1892

Os monoblastozoos (Monoblastozoa)[1] son un filo do reino animal de dubidosa existencia e aínda máis dubidosa filiación.

Baséase nunha única especie, Salinella salve, que foi descrita en 1892 por Johannes Frenzel nunha solución salina ao 2 % a partir de material procedente da auga de dúas minas de sal de Córdoba (Arxentina).[2]

Segundo o autor do único rexistro publicado do organismo, o corpo de Salinella consta dunha capa única de células (ao que alude o nome de monoblastozoo) carecendo de tecidos e órganos. Máis organizado que os protozoos, trátase porén dun moi primitivo organismo pluricelular caracterizado por presentar as súas partes anterior e posterior diferentes, e por estar densamente ciliado, especialmente ao redor da "boca" e do "ano". Reprodúcese asexualmente por fisión transversal do corpo e, aínda que se sospeita que pode reproducirse sexualmente, non hai evidencias disto.[2]

A esta especie outorgóuselle a categoría de filo por recoñecerse que o dos Mesozoa era demasiado diverso para ser un filo en si mesmo.

Pero a descrición se Salinella é ambigua e imprecisa, e non puido caracterizarse con precisión dado que nunca se volveu a observar, polo que algúns zoólogos dubidan da súa existencia.[3]

Notas[editar | editar a fonte]

  1. Do grego μόνος monos, "un só", "único", βλαστός blastos, "xerme" (aquí no sentido de "capa xerminativa do embrión"), e ζωον zōon, "animal",
  2. 2,0 2,1 Frenzel, J. (1892): "Untersuchungen über die mikroskopische Fauna Argentiniens". Archiv für Naturgeschichte 58: 66–96.
  3. Brusca, R. C. & Brusca, G. J. (2005): Invertebrados, 2ª edición. Madrid: McGraw-Hill Interamericana de España. ISBN 0-87893-097-3.

Véxase tamén[editar | editar a fonte]

Bibliografía[editar | editar a fonte]

Commons
Commons ten máis contidos multimedia na categoría: Monoblastozoos
Wikispecies-logo.svg
Wikispecies posúe unha páxina sobre: Monoblastozoos
  • Brusca, R. C. & Brusca, G. J. (2005): Invertebrados, 2ª edición. Madrid: McGraw-Hill Interamericana de España. ISBN 0-87893-097-3.

Ligazóns externas[editar | editar a fonte]


Filos do Reino Animal
Acanthocephala | Acoelomorpha | Annelida | Arthropoda | Brachiopoda | Bryozoa | Chaetognatha | Choanozoa | Chordata | Cnidaria | Ctenophora | Cycliophora | Echinodermata | Entoprocta | Gastrotricha | Gnathostomulida | Hemichordata | Kinorhyncha | Loricifera | Micrognathozoa | Mollusca | Monoblastozoa | Nematoda | Nematomorpha | Nemertea | Onychophora | Orthonectida | Phoronida | Placozoa | Platyhelminthes | Porifera | Priapulida | Rhombozoa | Rotifera | Sipuncula | Tardigrada | Vetulicolia† | Xenoturbellida