Miyavi

Miyavi

Nome orixinal	(ja) MIYAVI (ja) 雅〜みやび〜 (ja) 雅—MIYAVI— (ja) 雅—miyavi— (ja) ミヤヴィ
Biografía
Nacemento	(ja) 石原 貴雅 14 de setembro de 1981 (42 anos) Osaca, Xapón
Datos persoais
Outros nomes	Miyabi, Miyavi, MYV, Meev, Myvster, 382
País de nacionalidade	Xapón
Actividade
Lugar de traballo	Toquio
Ocupación	cantautor , actor , actor de cinema , compositor de cancións , guitarrista , músico , cantante , artista discográfico
Período de actividade	1995 -
Membro de	Dué le quartz (en) (1999–2002) The Last Rockstars (pt)
Xénero artístico	Visual kei (pt)
Lingua	Lingua xaponesa
Representante	William Morris Endeavor (pt)
Instrumento	Guitarra e voz
Selo discográfico	Free-Will (pt) PS Company (en) (2002–2004) Universal Music Japan (pt) (2004–2009) EMI Records Japan (pt) (2010–2013) Virgin Music (en) (2014–) Wrasse Records (en) (2015–2017)
Familia
Cónxuxe	Melody. (pt) (2009–)
Páxina web	myv382tokyo.com

Miyavi, nado en Osaca o 14 de setembro de 1981, é un cantante e guitarrista de rock xaponés .

Traxectoria

En xuño de 1999, Miyabi (cun b, "miyabi" significando "elegancia"), antigo membro do grupo Loop, chegou como guitarrista ao grupo indie Dué le Quartz formado por Sakito, Kikasa e Kazuki. Compuxo case a totalidade das composicións e unha parte das letras do grupo. En novembro dese ano saíu o seu primeiro mini-álbum, Mikansei no Jekyll to Hyde, pero a consagración non virá máis que con Jisatsu Ganbou, saído o 28 de maio de 2000. O 21 de agosto de 2000, o grupo organiza o seu concerto no Shibuya On Air West, lugar que repiten en febreiro de 2001 para un dobre concerto (con Shibuya On Air East).

O 12 de maio de 2002 saiu un novo mini-álbum, Rodeo, mais o grupo anuncia a súa separación algunhas semanas máis tarde (o 8 de xuño), despois dun último concerto o 22 de setembro no Shibuya AX. Miyabi anunciou entón o comezo da súa carreira en solitario, coa modificación do seu nome artístico para Miyavi, aproveitando a ocasión para cambiar o seu estilo tanto artístico como visual, menos visual kei, menos gótico e máis punk (con profusión de tatuaxes e piercings).

Artista completo, extravagante en escena, pero reservado sobre a súa vida privada, Miyavi intentou probar sorte no cinema co papel principal na película Oresama. É igualmente o propietario da súa propia compañía discográfica.

O álbum Miyaviuta - Dokuso (2006) supuxo unha nova renovación no seu estilo, cun acompañamento musical máis reducido, concentrándose na súa guitarra, cun estilo máis doce. Miyavi decidiu instalarse nos Estados Unidos, nos Ánxeles, uníndose á superbanda S.K.I.N. antes de sacar o álbum This Iz the Japanese Kabuki Rock o 19 de marzo de 2008.