Mike Byrne
| Mike Byrne | |
|---|---|
 |
|
| Nome completo | |
| Alias | |
| Naceu | 6 de febreiro de 1990 (23 anos) |
| Orixe | Portland, Oregon. Estados Unidos  |
| Morreu | |
| Ocupación (s) | músico |
| Xénero | rock alternativo, rock psicodélico |
| Instrumento(s) | batería |
| Tipo de voz | |
| Selo(s) discográfico (s) | |
| Relacionado con | The Smashing Pumpkins, Spirits in the Sky |
| Tempo en activo | 2009 - actualidade |
| Web | |
Mike Byrne, nado o 6 de febreiro de 1990 en Portland, Oregon, é o batería da banda estadounidense de rock alternativo The Smashing Pumpkins.
Traxectoria [editar]
Cando o líder da banda Billy Corgan anunciou audicións para a substitución de Jimmy Chamberlin, Byrne, un estudante de primeiro ano da Berklee College of Music, foi elixido entre miles de solicitantes. El tocou a batería na banda tributo a Sky Saxon chamada Spirits in the Sky en seis concertos en agosto do 2009 xunto con Corgan, Kerry Brown, Kevin Dippold, Mark Tulin, Linda Strawberry, Ysanne Spevack, Mark Weitz e Dave Navarro, e tamén tocou a batería no novo traballo de The Smashing Pumpkins, Teargarden by Kaleidyscope.
Byrne medrou en Beaverton, un suburbio de Portland, Oregon, cos seus pais Eric e Chris Byrne. Comezou a tocar a batería con regularidade aos 12 anos e posteriormente tocou nas bandas locais The Mercury Tree and Moses e Smell the Roses. Durante o seu paso polo instituto Beaverton High School, no cal se graduou no 2008, traballou nun McDonald's para gañar cartos para a universidade. O 17 de agosto do 2009 foi anunciado oficialmente coma novo batería de The Smashing Pumpkins. Os Pumpkins eran xa unha das súas bandas favoritas, estando Jimmy Chamberlin entre as súas principais influencias. A súa canle de YouTube, que creou tres anos antes de unirse á banda, bautizouna como "MarquisinSpadez", unha referencia ao tema "Marquis in Spades", do EP de The Smashing Pumpkins Zero.
Véxase tamén [editar]
Ligazóns externas [editar]
|
|||||||||||||||||||||||||||||
