Mikhail Botvinnik

Mikhail Botvinnik
	; Mikhail Botvinnik en 1927
Nome orixinal	(ru) Михаи́л Моисе́евич Ботви́нник
Biografía
Nacemento	17 de agosto de 1911; Leningrado Rusia
Morte	5 de maio de 1995; Moscova, Rusia
Causa da morte	Morte natural (Cancro de páncreas )
Lugar de sepultura	cemiterio Novodevichii
Datos persoais
País de nacionalidade	Rusa
Relixión	Ateísmo
Educación	Peter the Great Saint Petersburg State Polytechnical University (en)
Actividade
Ocupación	Xogador de xadrez
Partido político	Partido Comunista da Unión Soviética
Profesores	Alexander Ilyin-Genevsky (pt)
Lingua	Lingua rusa
Nacionalidade deportiva	Unión Soviética
Deporte	xadrez
Título de xadrecista	Master of Sport of USSR in Chess (en) (1927); Grande Mestre de Xadrez (pt) (1950); International Judge of Chess Compositions (en) (1956)
Participou en
1964	Olimpíada de xadrez de 1964 (pt)
1962	Olimpíada de xadrez de 1962 (pt)
1960	Olimpíada de xadrez de 1960 (pt)
1958	Olimpíada de xadrez de 1958 (pt)
1956	Olimpíada de xadrez de 1956 (pt)
1954	Olimpíada de xadrez de 1954 (pt)
Familia
Cónxuxe	Gayane Davidovna Ananova (en)
	Premios world chess champion (en) ; Trabalhador Cultural Honorário da RSFSR (pt) ; Merited Engineering Scientist of the RSFSR (en) ; Mestre Honorário de Desportos da União Soviética (pt) ; Bandeira Vermella do Traballo; Orde da Revolución de Outubro; Orde da Insignia de Honra; Orde de Lenin; Medal "For Distinguished Labour" (en) ;

Mikhail Moiseevich Botvinnik (en ruso, Михаил Моисеевич Ботвинник), nado en Repino (Leningrado) o 17 de agosto de 1911 e finado o 5 de maio de 1995, foi un Gran Mestre Internacional e Campión do Mundo de xadrez ruso.

Traxectoria[editar | editar a fonte]

Comezou a ser coñecido ao derrotar ao campión mundial José Raúl Capablanca nunha exhibición de partidas simultáneas. Progresou rapidamente e aos 20 anos, en 1931, cando xa era un Mestre Soviético, gañou o seu primeiro campionato da URSS. Volveu logralo en 1933, 1939, 1941, 1945 e 1952. Obtivo un diploma universitario de Enxeñería. As súas grandes habilidades analíticas convertérono nun dos primeiros estrategos a grande escala do xadrez debido á súa enorme capacidade para estudar e planificar partidas.

Aos 24 anos de idade, Botvínnik atopábase na elite mundial do xadrez, gañando os máis importantes torneos da época. Foi vencedor, xunto con Salgo Flohr, en Moscova en 1935, por diante de Emanuel Lasker e Capablanca. Gañou tamén, xunto con Capablanca, en Nottingham en 1936, e empatou no terceiro posto, trás Reuben Fine e Paul Keres, no prestixioso torneo AVRO de 1938, onde competiron os 8 xogadores máis fortes do momento.

Botvinnik continuou cos seus éxitos e en 1948 gañou o título mundial, que quedara vacante tras a morte de Alexander Alekhine, cando gañou o torneo da Haia/Moscova. Defendeu con éxito o seu título en 1951 e 1954 ante David Bronstein e Vasili Smyslov, tras empatar ambos os matches 12-12. Perdeu ante Smyslov en 1957 por 12.5-10.5, pero no match de desquite en 1958 impúxose por 12.5-11.5. Ante Mikhail Tal repetiuse a historia: caeu en 1960 (12.5-8.5) só para recuperarse en 1961 (13-8). Volveu caer en 1963, esta vez ante Tigran Petrosian, pero este foi o fin do seu reinado, dado que a FIDE abolira o dereito a un match de desquite.

O seu estilo era eminentemente posicional, e a iso engadiu unha sorprendente dedicación e estudo. Todo isto contribuíu á súa longa permanencia no máximo nivel. Desde 1960 Mikhail Botvinnik foi retirándose do xogo competitivo, dedicándose ao desenvolvemento de programas de xadrez para ordenador e para cooperar no desenvolvemento de xogadores novos. Os campións mundiais Anatoly Karpov e Garry Kasparov foron dous dos moitos alumnos da súa escola.

Anterior: Alexander Alekhine	Campión do mundo de xadrez 1948–1957	Seguinte: Vasili Smyslov
Anterior: Vasili Smyslov	Campión do mundo de xadrez 1958–1960	Seguinte: Mikhail Tal
Anterior: Mikhail Tal	Campión do mundo de xadrez 1961–1963	Seguinte: Tigran Petrosian

Véxase tamén[editar | editar a fonte]

Outros artigos[editar | editar a fonte]

Encontros polo campionato do mundo de xadrez

Ligazóns externas[editar | editar a fonte]