Miguel Losada Losada

Na Galipedia, a Wikipedia en galego.
Miguel Losada Losada
Nacemento1860
Lugar de nacementoLaxas
Falecemento28 de setembro de 1913
Lugar de falecementoA Estrada
NacionalidadeEspaña
Alma máterUniversidade de Valladolid e Universidade de Santiago de Compostela
Ocupaciónnotario, xornalista e escritor
FillosAntón Losada Diéguez
editar datos en Wikidata ]

Miguel Losada Losada, nado en San Xoán de Laxas (Boborás) en 1860 e finado na Estrada o 28 de setembro de 1913, foi un escritor galego e pai do recoñecido galeguista Antón Losada Diéguez.

Traxectoria[editar | editar a fonte]

Orixes[editar | editar a fonte]

Pazo de Moldes.

Descendente do marqués de Bóveda de Limia, aínda que el non levou o título pese ás tentativas para rehabilitalo. A súa ideoloxía carlista víñalle de familia, estaba emparentado con José Arias Teixeiro, ministro universal do pretendente Carlos V e o seu pai, Joaquín Losada Pimentel, fora auditor xeral do Estado Maior do Exército do Norte durante a Primeira Guerra Carlista e estivera exiliado en Francia ó seu remate.

Formación e actividades[editar | editar a fonte]

O mozo Miguel estudou no instituto de Ourense, comezou a carreira de dereito en Santiago de Compostela e rematouna en Valladolid en 1882, alí apareceu o seu único libro publicado, Vulgaridades, un feixe de poemas en castelán intranscendentes sen moita calidade literaria, aínda así seguiu a escribir poesía toda a vida e foi o autor de moitas cancións das que cantaban as comparsas de Entroido na Estrada, onde desde 1887 exercía de notario e no coñecido xornal local, El Estradense (f.1906), apareceron moitos artigos da súa autoría e participou en moitos mitins agraristas de cariz católico da contorna.

Vida familiar[editar | editar a fonte]

Casado en 1883 con Carme Diéguez Arias, tivo dous fillos, o seu primoxénito, Antón Losada Diéguez (1884), será un dos impulsores do primeiro galeguismo, o segundo, José, naceu en 1886. Carme morreu de tuberculose en 1888 e José de meninxite en 1891. Miguel Losada volveu casar en 1894, con Amparo de Silva Gómez, coa que tivo cinco fillos máis.

Véxase tamén[editar | editar a fonte]

Ligazóns externas[editar | editar a fonte]