Mighal an Gov

Na Galipedia, a Wikipedia en galego.
Placa conmemorativa en córnico e inglés para Michael Joseph the Smith (An Gof) e Thomas Flamank, Greenwich Park, Londres.

Mighal an Gov, en inglés Michael An Gof, foi un ferreiro córnico de St Keverne.

Traxectoria[editar | editar a fonte]

Xunto a Thomas Flammank dirixiu a rebelión córnica de 1497, na que os rebeldes marcharon cara a Londres para protestar diante o rei Henrique VII de Inglaterra pola implantación dunha taxa para a guerra en Escocia. Na batalla de Deptford Bridge, 17 de xuño, o exército inglés derrotou os rebeldes. An Gof conseguiu escapar a Greenwich pero foi capturado e conducido á Torre de Londres para ser executado o 24 de xuño en Tyburn.