Michael William Balfe

Na Galipedia, a Wikipedia en galego.
Michael William Balfe.

Michael William Balfe (Dublín 1808 - Rowney Abbey 1870) foi un compositor irlandés, coñecido pola súa ópera The Bohemian Girl (1843).

Fillo dun mestre de danza, a única educación musical que recibiu foi de seu pai e do músico C. E. Horn, aos seis anos tocaba o violín para as clases do pai e aos sete compuxo unha polacca, en 1817 actuou por primeira vez en público, logo da morte de seu pai en 1823 uniuse á orquestra do teatro real Drury Lane, en Londres e actuou como barítono, con éxito só moderado. Entre 1825 e 1833 reside en Italia, onde compón as súas primeiras óperas.
Ao regreso a Inglaterra estrea a ópera Siege of Rochelle en 1835 con grande éxito, á que lle segue en 1836 The Maid of Artois tamén exitosa.