Michael Löwy

Michael Löwy
	;
Biografía
Nacemento	6 de maio de 1938 (85 anos); São Paulo, Brasil
Director de investigación do CNRS
Datos persoais
País de nacionalidade	Francia ; Brasil
Educación	Universidade París-Descartes - Doutoramento (pt) (–1975); École des hautes études en sciences sociales (pt) - Doutoramento (pt) (–1964); Universidade de São Paulo
Director de tese	Lucien Goldmann (pt) e Louis-Vincent Thomas (pt)
Actividade
Ocupación	sociólogo , profesor universitario , filósofo , pesquisador (pt)
Empregador	Universidade de Kassel (pt) ; Centre national de la recherche scientifique ; Universidade de París 8 ; École des hautes études en sciences sociales (pt) ; Universidade de Tel Aviv
Partido político	Novo Partido Anticapitalista
Lingua	Lingua francesa
Participou en
marzo de 2019	Manifesto por un novo internacionalismo dos pobos en Europa
Obra
	Obras destacables (1988) Redenção e utopia: O judaísmo libertário na Europa Central (pt) ; (2004) Franz Kafka, sonhador insubmisso (pt) ; (2014) Afinidades revolucionárias: Nossas estrelas vermelhas e negras. Por uma solidariedade entre marxistas e libertários (pt) ;
Doutorando	Enzo Traverso e Juan Agulló (en)
	Premios (1994) CNRS silver medal (en) ;

Michael Löwy, nado en São Paulo o 6 de maio de 1938, é un pensador marxista brasileiro radicado en Francia, onde traballa como director de investigacións do Centre national de la recherche scientifique. É un relevante estudoso do marxismo, con investigacións sobre as obras de Karl Marx, Lev Trotski, Rosa Luxemburg, Georg Lukács, Lucien Goldmann e Walter Benjamin.

Biografía[editar | editar a fonte]

Fillo de inmigrantes xudeus de Viena (Austria), Michael Löwy pasou a infancia e adolescencia na súa cidade natal. En 1960 licenciouse en Ciencias Sociais pola Universidade de São Paulo, tendo por compañeiros a Roberto Schwarz e Gabriel Bolaffi. No ano seguinte, partiu cara a Francia, onde estudou baixo orientación de Lucien Goldmann, concluíndo o doutoramento en 1964, cunha tese sobre a Revolución comunista na obra do Marx mozo.

Logo dalgúns anos vivindo en Israel, Löwy retornou a Francia en 1969, pasando a traballar na Université de Paris VIII como asistente de Nicos Poulantzas. En 1976 obtivo o doctorat d’État cunha tese sobre a evolución política de Lukács de mozo.

En 1978 paso a ser profesor de Socioloxía no Centre national de la recherche scientifique de París, e despois director de investigacións da mesma institución.

Casou con Ilana Zelmanowicz, coa que tivo dous fillos. En 1980 separáronse, e Löwy casou con Eleni Varikas, historiadora de orixe grega.

Militancia política[editar | editar a fonte]

Entre as décadas de 1950 e 1960 formou parte da Liga Socialista Independente, organización que contaba con Hermínio Sacchetta entre os seus dirixentes. En 1968 asociouse á Cuarta Internacional, converténdose en membro da Primeira sección, a Liga Comunista. Na súa militancia revolucionaria, Löwy estivo constantemente atento ás loitas sociais e organizacións políticas de esquerda, das Ligas Camponesas ao Movemento dos Sen Terra, amais do Partido dos Trabalhadores e o Partido Socialismo e Liberdade.

Obra[editar | editar a fonte]

A obra de Michael Löwy abrangue unha ampla gama de cuestións, que van de Marx e o marxismo até o surrealismo, marcada por un interese constante polo pensamento libertario. Os seus libros e ensaios ocúpanse principalmente da socioloxía do coñecemento, con énfase sobre o socialismo e as ideas radicais, abarcando temas como a teoría da Revolución permanente de Trotski, o Romanticismo anticapitalista, o nacionalismo e o internacionalismo, o marxismo na América Latina, a dimensión utópica do xudaísmo, a socioloxía das relixións, a teoloxía da liberación e o ecosocialismo. Entre os diversos pensadores sobre os que Löwy escribiu, destacan Karl Marx, Max Weber, Georg Lukács, Walter Benjamin, Rosa Luxemburg, Lev Trotski, Ernest Mandel, José Carlos Mariátegui e Che Guevara. No campo das artes e da literatura, escribiu ensaios sobre escritores como Franz Kafka e Christa Wolf, alén dos estudos sobre o surrealismo.

Traducións ao galego[editar | editar a fonte]

Patria ou terra nai?: Ensaios sobre a cuestión nacional. Santiago de Compostela: Laiovento, 1999 (tradución de Xosé Manuel Beiras, Antonia Tato Fontaíña e Estrella Tato Fontaíña). ISBN 84-89896-40-2
A estrela da mañá: surrealismo e marxismo. Ames: Laiovento, 2005 (tradución de Xesús González Gómez). ISBN 84-8487-070-7
O pensamento do Che Guevara (1970).

Véxase tamén[editar | editar a fonte]

Ligazóns externas[editar | editar a fonte]

"Um intelectual marxista: entrevista com Michael Löwy" Tempo, 1996 (en portugués).
"Globalization and Internationalism: How Up-to-date is the Communist Manifesto?", Monthly Review, 1998 (en inglés).
"Marx, Weber and the Critique of Capitalism", Logos, 2002 (en inglés).