Metro de Londres

Na Galipedia, a Wikipedia en galego.
London Underground (Metro de Londres)
Estación de Charing Cross
Ticket do Metro de Londres

O metro de Londres, igualmente chamado Underground ou Tube (nome popular empregado coloquialmente polos londinenses, significa literalmente "tubo", debido á semellanza entre os túneles e un tubo), comezou a operar o 10 de xaneiro de 1863 e é o metro máis antigo do mundo. Actualmente hai 274 estacións abertas e 408 km de liñas activas; no período 2004-2005 realizáronse un total de 976.000.000 de viaxes. Dende 2003 forma parte de Transport for London (TfL).

Liñas[editar | editar a fonte]

Plano coas liñas do Metro

A táboa de abaixo describe cada unha das liñas do metro de Londres. Emprégase a cor utilizada para a súa representación nos mapas. Dáse información da data de apertura da primeira sección de cada liña e o tipo de túnel polo que circulan os trens (subsuperficial fai referencia a unha fondura media de 5 metros; profundo fondura media entre 5 e 20 metros).

Liñas do metro Londres
Nome da liña Cor Apertura Tipo Lonxitude
Bakerloo Line Castaña 1906 Profundo 23 km
Central Line Vermella 1900 Profundo 74 km
Circle Line1 Amarela 1884 Subsuperficial 22 km
District Line2 Verde 1868 Subsuperficial 64 km
East London Line3 Laranxa 1869 Subsuperficial 8 km
Hammersmith & City Line4 Rosa 1864 Subsuperficial 14 km
Jubilee Line Prata 1979 Profundo 36 km
Metropolitan Line Violeta 1863 Subsuperficial 67 km
Northern Line5 Negra 1890 Profundo 58 km
Piccadilly Line Azul oscura 1906 Profundo 71 km
Victoria Line Azul clara 1969 Profundo 21 km
Waterloo & City Line6 Azul verdosa 1898 Profundo 2 km
  1. Circle Line coñeceuse como tal dende 1949, aínda que xa tivera un servizo establecido durante moito tempo no sistema.
  2. Orixinalmente chamada Metropolitan District Railway.
  3. Ata fins dos anos 80 non adquiriu a súa propia identidade nos mapas, xa que ata entón estivera administrada por outras compañías ferroviarias.
  4. Orixinalmente formaba parte daa Liña Metropolitana. Non recibiu este nome ata 1990.
  5. A liña máis concorrida do sistema.
  6. Baixo o control de Transport for London desde 1994.

Véxase tamén[editar | editar a fonte]

Atentados do 7 de xullo de 2005 en Londres