Metrópole ortodoxa grega de Galicia
| Localización | |||
|---|---|---|---|
| Xeografía | |||
| Parte de | |||
| Creación | 1302 (Gregoriano)  | ||
A metrópole de Galicia[1] ou de Halych (en ucraíno: Галицька митрополія, "Halychka mytropoliia") foi unha metrópole da Igrexa Ortodoxa de Constantinopla, constituída arredor de 1302, que existiu durante certos intervalos até 1347, cando foi integrada na metrópole de Kíiv e que foi restaurada en 1371, para subordinarse novamente á Kíiv en 1401.
Historia[editar | editar a fonte]
Durante o principado de Galicia-Volinia[editar | editar a fonte]
A finais do século XIII, logo da morte do metropolita de Kíiv Cirilo III de Kíiv, o seu sucesor Máximo moveu a sé ao principado de Vladimir-Suzdal, principal rival do principado de Galicia-Volinia na reclamación como estado sucesor do Rus de Kíiv. Foi por iso que o príncipe León I de Galicia e o seu sucesor Xurxo I de Galicia pedíronlle ao Patriarca Ecuménico de Constantinopla a formación dunha nova metrópole para os principados do sur do Rus, incluíndo o de Galicia-Volinia.
Durante o Nadal de 1302 - 1303 o patriarca de Constantinopla Atanasio I e o emperador bizantino Andrónico II emitiron unha carta pola que a diocese de Galicia foi elevada ao rango de metrópole; incluíndo ás dioceses de Galicia, Przemyśl, Volodymyr, Chełm, Lutsk e Turov.[2] O primeiro metropolita foi o grego Nifont, quen finou en 1305.
O príncipe Xurxo I de Galicia propuxo entón como metropolitano ao abade dun mosteiro preto do río Rata, Petro, quen aceptou, e foi enviado a Constantinopla para a aprobación do patriarca. Ao mesmo tempo, finou o metropolita de Kíiv Máximo, que na realidade tiña a sé na cidade de Vladimir, e o Grande Duque de Vladimir Miguel enviou como candidato a sé ao abade Gerontius. Logo de moitas deliberacións, que se prolongaron até 1308, o patriarca decidiu combinar as dúas sés, elixindo a Petro como Metropolita de Kíiv e toda a Rus, quen estabeleceu como primeira residencia Vladimir e Moscova.
Grazas aos esforzos do príncipe de Galicia-Volinia Bodeslao Xurxo II e do seu sogro o Grande Duque de Lituania Xediminas, o patriarca de Constantinopla Isaías restabeleceu a metrópole de Galicia, nomeando metropolitano a Havryil. En 1332 o metropolitano de Kíiv Teognosto conseguiu do patriarca unha nova unificación das sés de Kíiv e Galicia.
Entre os anos 1337 e 1338 o bispo de Galicia Fedir obtivo do patriarca de Constantinopla o restabelecemento da metrópole de Galicia, que á súa morte en 1347 foi novamente suprimida.
A etapa polaca[editar | editar a fonte]
Logo da caída do principado de Galicia-Volinia na década de 1340 por mor da guerra sucesoria de Galicia-Volinia, o territorio da diocese de Galicia quedou baixo a autoridade do Reino de Polonia, gobernado por Casimiro III o Grnade. O rei non quería que os seus súbditos dependeran do metropolita no territorio do Gran Ducado de Moscova, e pediu ao patriarca Filoteo a restauración da metrópole de Galicia.
Episcopoloxio[editar | editar a fonte]
Os metropolitas de Galicia foron os seguintes:
- Nifont de Galicia (1302 - 1305)
- Pedro de Moscova (1305 - 1326), sé unificada con Kíiv
- Havryil de Galicia (1326/1329 - 1332)
- Fedir de Galicia (1337 - 1347)
Os metropolitas de Galicia, Volinia e Lituania foron os seguintes:
- Antonij de Galicia (1370 - 1391)
- Ivan de Galicia, bispo de Lutsk e Belz, quen administrou a sé entre 1391 e 1401.
- Michajlo de Galicia (1391 - 1401; nomeado polo Patriarca de Constantinopla, mais o bispo Ivan non lle permitiu tomar posesión da sé)
Notas e referencias[editar | editar a fonte]
- ↑ Definicións no Dicionario da Real Academia Galega e no Portal das Palabras para galiciano.
- ↑ Евгений Евсигнеевич Голубинский (1902). История Русской Церкви I. Moscova. p. 97.