Mesquita de Quba

Na Galipedia, a Wikipedia en galego.
Masjid Al-Quba

A mesquita de Quba (Quba' Masjid ou Masjid al-Quba; en alifato árabe: مسجد قباء), sita nas aforas de Medina, Arabia Saudí, é a máis antiga das mesquitas do Islam, e unha mesquita nacional de Arabia Saudí.

As súas primeiras pedras foron colocadas polo profeta Mahoma durante a súa Héxira ou emigración desde A Meca a Medina e foi acabada polos seus compañeiros. Mahoma agardou máis de 20 noites nesta mquita, rezando qasr (un rezo curto), mentres chegaba Ali, que tiña a casa xusto detrás desta mesquita.

Durante o século, a mesquita de Quba sufríu transformacións, que fixeron imposíbel a conservación da vella estrutura. Actualmente comprende un conxunto que comprende, entre outras, áreas residencias, espazos para as ablucións, e mesmo dúas bibliotecas.

As mesquitas Masjid-al-Haram (A Meca), Masjid al-Nabawi (Medina) e Masjid-al-Aqsa (Xerusalén), son os lugares máis santos do Islam.