Merluccíidos

Na Galipedia, a Wikipedia en galego.
Merluccíidos
Merlucciidae
Pescada (Merluccius merluccius)no Aquarium Finisterrae da Coruña
Pescada (Merluccius merluccius)
no Aquarium Finisterrae da Coruña
Clasificación científica
Reino: Animalia
Filo: Chordata
Clase: Actinopterygii
Subclase: Neopterygii
Infraclase: Teleostei
Superorde: Paracanthopterygii
Orde: Gadiformes
Familia: Merlucciidae
Gill, 1884
Subfamilias e Xéneros
Sinonimia
  • Macruronidae

A dos merluccíidos ou, como se ve escito ás veces á castelá, merlúcidos (Merlucciidae) é unha familia de peixes osteíctios mariños da orde dos gadiformes que inclúe ás pescadas, especies de grande importancia comercial, que se distribúen polo norte do océano Atlántico e o sur e leste do Pacífico.[1]

Etimoloxía[editar | editar a fonte]

O nome da familia deriva do nome do seu xénero tipo, Merluccius, e este do latín medieval merlutius ou merluccius, do latín clásico merulis, -us ou merula, -ae, "merlo" (e tamén o nome de certo peixe), e lutius, -us, "lucio".[2]

Descrición[editar | editar a fonte]

Teñen dúas aletas dorsais, excepto Lyconodes que ten só unha, cos primeiros raios espiñentos. A segunda aleta dorsal e a aleta anal cunha fendedura posterior. Carecen de barbelas no mento. A boca é grande, situada en posición terminal. Teñen dentes na parte dianteira do óso vómer, e a maioría das especies teñen os dentes longos e afiados. As escamas son pequenas, e de tipo cicloide.[3]

Hábitat e forma de vida[editar | editar a fonte]

As especies do xénero Merluccius son voraces depredadores que habitan na plataforma continental e na parte superior do noiro continental; as especies do xénero Macruronus viven en grandes bancos na plataforma continental subantártica.[3] Pola sua parte, Steindachneria argentea, única especie do xénero Steindachneria, habita no golfo de México e no mar Caribe.[1]

Taxonomía[editar | editar a fonte]

Notas[editar | editar a fonte]

  1. 1,0 1,1 Cohen, D., Inada, T., Iwamoto, T. & Scialabba, N. (1990): Gadiform Fishes of the World (Order Gadiformes). An annotated and illustrated catalogue of cods, hakes, grenadiers and other gadiform fishes known to date. FAO: FAO Fisheries Synopsis, 125, volume 10, pp. 77-81. Ver en PDF.
  2. Webster's Unabridged Dictionary.
  3. 3,0 3,1 FishBase
  4. Merlucciinae wn SIIT. (en castelán)
  5. Steindachneriinae en SIIT. (en castelán)

Véxase tamén[editar | editar a fonte]

Commons
Commons ten máis contidos multimedia sobre: Merluccíidos
Wikispecies-logo.svg
Wikispecies posúe unha páxina sobre: Merluccíidos

Bibliografía[editar | editar a fonte]

  • Cohen, D., Inada, T., Iwamoto, T. & Scialabba, N. (1990): Gadiform Fishes of the World (Order Gadiformes). An annotated and illustrated catalogue of cods, hakes, grenadiers and other gadiform fishes known to date. FAO: FAO Fisheries Synopsis, 125, volume 10, pp. 77-81.
  • Lloris, Domingo (2005): Hakes of the world (family Merlucciidae): an annotated and illustrated catalogue of hake species known to date. Roma: FAO. ISBN 92-5-104984-X. Pódese ver en [1].
  • Nelson, Joseph S. (2006): Fishes of the World. John Wiley & Sons, Inc. ISBN 0-471-25031-7.

Outros artigos[editar | editar a fonte]

Ligazóns externas[editar | editar a fonte]