Meristemo
En histoloxía vexetal chámaselles meristemos ou meristemas ós tecidos embrionarios das plantas vasculares formados por células totipotentes das que por multiplicación e diferenciación se forman o resto dos tecidos.
Índice |
Descrición [editar]
Os meristemos están formados por células indiferenciadas, poliédricas, máis ou menos equidimensionais (dimensións parecidas en todas as direccións), apertadamente encaixadas, de parede celular pouco desenrolada (sen parede secundaria) e con pouco volume vacuolar. Como consecuencia das súas divisións mitóticas, forman as células que por maduración construirán os tecidos e órganos adultos, á vez que pode manterse o meristemo. Isto último só ocorrerá en órganos de crecemento continuo ou periódico, como os talos, e non nos órganos de crecemento determinado, como as follas e as pezas florais.
Tipos [editar]
Distínguese entre meristemos primarios, dos que depende o crecemento en lonxitude e meristemos secundarios, que producen o engrosamento dos talos e as raíces.
Meristemos primarios [editar]
Os meristemos primarios son meristemos apicais, situados no extremo dos talos e das raíces. Deles derivan os tecidos adultos que se forman durante o crecemento en lonxitude, á vez que os meristemos remanentes, que interpostos entre os anteriores, dan lugar á renovación de tecidos vasculares y corticais, por formación de capas concéntricas novas que dan lugar, ademais, a un engrosamento dos eixes.
Meristemos secundarios [editar]
Os meristemos secundarios producen o engrosamento dos talos e as raíces.
