Melbourne Grand Prix Circuit

Melbourne Grand Prix Circuit
Plano do Circuíto
Datos
Carreiras	Fórmula 1, F3, V8 Supercars, Fórmula Ford
Localización	Melbourne, Australia
Lonxitude	5´303 km.
Curvas	16
Volta rápida (2010)	1:23.919
Piloto Record	Sebastian Vettel
Escudería Record	Red Bull
Coordenadas	37°50′59″S 144°58′6″E
Vista do Circuíto

Os Boxes no circuíto de Albert Park

O Circuíto do Gran Premio de Melbourne (en inglés: Melbourne Grand Prix Circuit) é un circuíto de carreiras urbano que se arma nos arredores do Lago Albert Park, ao sur da cidade de Melbourne, Australia. É recoñecido por albergar anualmente o Gran Premio de Australia de Fórmula 1.

Deseño

O circuíto utiliza seccións da estrada normal que circunvala o lago de Albert Park, un pequeno lago artificial ao sur do distrito central de negocios de Melbourne. Os tramos de estrada que se utilizan foron reconstruídos antes do evento inaugural en 1996 para asegurar a consistencia e suavidade. Como resultado, en comparación con outros circuítos urbanos, a pista de Albert Park ten unha gran superficie lisa. Antes de 2007 existían só uns poucos circuítos no calendario de Fórmula 1 cun espello de auga preto da pista. Moitos dos novos circuítos, como Valencia, Singapur e Abu Dabi imitaron esa característica.

Aínda que é un trazado urbano (ou semi-urbano, xa que moitas das rúas foron remodeladas co Gran Premio en mente), a pista é relativamente ancha e rápida. O trazado considérase que é bastante rápido e relativamente fácil de conducir, os pilotos comentaron que a colocación coherente das curvas permítelles aprender fácilmente o circuíto e conseguir tempos competitivos. Con todo, o terreo chan ao redor do lago, xunto cun deseño da pista que conta con poucas rectas reais, significa que a pista non é moi propicia para adiantar, lamentablemente, o terreo chairo e as barreiras de seguridade impiden ter unha boa vista do trazado, coa excepción das tribunas.

Cada ano, a maioría das escapatorias de terra, pontes peatonais, tribunas e demais infraestructuras montanse ao redor dun mes antes do fin de semana do Gran Premio e retíranse dentro das 6 semanas posteriores ao evento. Algunhas zonas ao redor do circuíto (incluíndo un gran centro acuático, un campo de golf, o Lakeside Stadium, algúns restaurantes e a mariña) restrinxen o acceso durante o fin de semana de Gran Premio. A pesar da popularidade do evento, moitos habitantes locais teñen os seus reparos respecto ao mesmo debido ao movemento xerado, ao ruído e ao diñeiro investido que, afirman, ben podería usarse para construír un circuíto permanente afastado das zonas residenciais. Isto provocou varias manifestacións contrarias á realización da carreira en forma anual.

O Grand Prix continuará polo menos ata 2015 logo de conseguir un novo contrato con 'Formula One Management'.

Todos os gañadores de Fórmula 1, no circuíto de Melbourne

Ano	Piloto	Auto	Duración	Lonxitude	Voltas	Velocidade media	Data	GP de
1996	Damon Hill	Williams-Renault	1:32:50,491 h	5´302 km	58	198´736 km/h	10. Marzo	Australia
1997	David Coulthard	McLaren-Mercedes	1:30:28,718 h	5´302 km	58	203´926 km/h	9. Marzo
1998	Mika Häkkinen	McLaren-Mercedes	1:31:45,996 h	5,303 km	´8	201´102 km/h	8. Marzo
1999	Eddie Irvine	Ferrari	1:35:01,659 h	5´303 km	57	190´852 km/h	7. Marzo
2000	Michael Schumacher	Ferrari	1:34:01,987 h	5´303 km	58	196´255 km/h	12. Marzo
2001	Michael Schumacher	Ferrari	1:38:26,533 h	5´303 km	58	187´465 km/h	4. Marzo
2002	Michael Schumacher	Ferrari	1:35:36,792 h	5´303 km	58	193´011 km/h	3. Marzo
2003	David Coulthard	McLaren-Mercedes	1:34:42,124 h	5´303 km	58	194´868 km/h	9. Marzo
2004	Michael Schumacher	Ferrari	1:24:15,757 h	5´303 km	58	219´011 km/h	7. Marzo
2005	Giancarlo Fisichella	Renault	1:24:17,336 h	5´303 km	57	215´168 km/h	6. Marzo
2006	Fernando Alonso	Renault	1:34:27,870 h	5´303 km	57	191´990 km/h	2. Abril
2007	Kimi Räikkönen	Ferrari	1:25:28,770 h	5´303 km	58	215´893 km/h	18. Marzo
2008	Lewis Hamilton	McLaren-Mercedes	1:34:50,616 h	5´303 km	58	194´578 km/h	16. Marzo
2009	Jenson Button	Brawn GP-Mercedes	1:34:15.784 h	5´303 km	58	195´776 km/h	29. Marzo
2010	Jenson Button	McLaren-Mercedes	1:33:36.531 h	5´303 km	58	197´144 km/h	28. Marzo
2011	Sebastian Vettel	Red Bull Racing	1:29:30.259 h	5´303 km	58	206´184 km/h	27. Marzo
2012	Jenson Button	McLaren-Mercedes	1:34:09.565 h	5´303 km	58	195´991 km/h	18. Marzo
2013	Kimi Räikkönen	Lotus Renault		5´303 km	58		17. Marzo

Record: M.Schumacher (4 veces)

Véxase tamén

Ligazóns externas

• Páxina oficial