McDonnell F3H Demon

Na Galipedia, a Wikipedia en galego.
McDonnell F3H Demon
F3H Demon.png
Tipo caza embarcado
Fabricante McDonnell Aircraft
Primeiro voo 7 de agosto de 1951
Introducido 7 de marzo de 1956
Retirado 1964
Estado retirado
Construídos 519

O McDonnell F3H Demon foi un caza a reacción subsónico, con á en frecha e embarcado da Mariña dos Estados Unidos. Despois de varios problemas co motor Westinghouse J40 que foi finalmente descartado, o sucesor do McDonnell F2H Banshee comezou a operar en 1956 redeseñado co motor J71. Aínda que non tiña potencia suficiente para voos supersónicos, complementou a cazas diúrnos como o Vought F8U Crusader e o Grumman F11F Tiger en condicións todo-tempo, e como interceptador armado con mísiles ata 1964. Foi retirado antes de que puidese servir na Guerra do Vietnam e foi reemprazado polo exitoso McDonnell Douglas F-4 Phantom II. O Phantom, que tiña tamén capacidade de ataque a terra, caza e bombardeo, tiña unha certa semellanza, xa que foi concebido como un desenvolvemento avanzado do Demon. O avión supersónico da USAF McDonnell F-101 Voodoo tiña un deseño semellante, pero estaba baseado no anterior XF-88 Voodoo, que tamén influenciou o deseño do Demon.