Masaharu Fukuyama

Na Galipedia, a Wikipedia en galego.
Este artigo mostra escritos xaponeses. Sen o soporte adecuado, o texto pode mostrar símbolos sen sentido, coma caixas, marcas e outros.

Masaharu Fukuyama (福山 雅治, ふくやま まさはる Fukuyama Masaharu?), nado o 6 de febreiro de 1969 en Nagasaki, é un cantautor, guitarrista, produtor musical, actor e presentador de radio xaponés.

Traxectoria[editar | editar a fonte]

Nasaharu é un dos artistas xaponeses máis recoñecidos, é membro da compañía Amuse, Inc., e é coñecido pola súa voz baixa e fonda. Entre os fans coñécese polos alcumes de Masha, Masha-nii ou Fuku-chan. Comezou a súa carreira artística en 1990 co sinxelo "Tsuioku no Ame no Naka". Con varios sinxelos entre o número un das listas de éxitos, protagonizou numerosos dramas da televisión xaponesa entre outros o filme Yōgisha X no Kenshin en 2008.