Martin Soarez

Na Galipedia, a Wikipedia en galego.

Martin Soarez foi un trobador portugués, que estivo activo entre 1230/1235-1270.

Traxectoria[editar | editar a fonte]

Foi amigo de Johan Perez de Avoin, frecuentou a corte de Afonso X e tivo contacto con moitos poetas como Pero da Ponte ou Johan Soarez Coelho. É autor de 45 textos: 27 cantigas de amor, entre as que destaca a famosa cantiga da garvaia, de difícil adscrición xenérica, mais con trazos da cantiga de amor, 17 cantigas de escarnio e maldizer, 1 tenzón, contra Pai Soarez de Taveirós.

Tamén son coñecidas as súas cantigas de maldizer co xograr Lopo, por exemplo a que comeza Foi a citola temprar, na cal critica o xograr por tocar mal a citola e recoméndalle calar. Vexamos outra cantiga de maldizer na que volve a cargar contra Lopo:

Foi un dia Lopo jograr
á cas dun infançón cantar:
e mandou-lh’ele por don dar
tres couces ena garganta;
e fui-lh’escass’, a meu cuidar,
segundo com’el canta.
Escasso foi o infançón
en seus couces partir entón,
ca non deu a Lopo entón
mais de tres ena garganta;
e mais merece o jograrón
segundo com’el canta.


Véxase tamén[editar | editar a fonte]

Outros artigos[editar | editar a fonte]