Mark Shuttleworth

Na Galipedia, a Wikipedia en galego.
Mark Shuttleworth
Mark Shuttleworth
Mark Shuttleworth, despoís do seu discurso en Linuxtag en Wiesbaden.(2006)
Nacemento: 18 de setembro de 1973, (41 anos)
WelkomFlag of South Africa.svgSuráfrica
Ocupación: Informático e Empresario

Mark Shuttleworth, nado o 18 de setembro de 1973 en Welkom, Suráfrica, é un informático e empresario surafricano. É o fundador da empresa Canonical Ltd., unha empresa promotora do Software Libre.

Traxectoria[editar | editar a fonte]

Mark Shuttleworth na Estación Espacial Internacional.

Mark Shuttleworth naceu no pobo mineiro de Welkom, Estado Libre, Suráfrica, o seu pai é cirurxián e a súa nai unha mestra dunha escola de enfermería. Creceu na cidade do Cabo onde obtivo un BBusSci en Finanzas e información de sistemas na universidade da Cidade do Cabo, vivía no Smuts Hall, ademais participou na instalación das primeiras conexións residenciais de internet na súa universidade.

Traballo[editar | editar a fonte]

En 1995, o seu último ano na universidade, funda a empresa de seguridade en Internet Thawte, que vende en 1999 a VeriSign por 575 millóns de dólares.

Shuttleworth fundou en marzo de 2004 a empresa Canonical Ltd., para a promoción e soporte comercial de proxectos de software libre e código aberto, tamén financiou o proxecto Ubuntu, unha distribución de GNU/Linux baseada en Debian, en 2001 forma a fundación Shuttleworth, sen fins de lucro e dedicada á innovación social que tamén apoia educación gratuíta e proxectos de software libre en Suráfrica, como o Freedom Toaster.

En 1995 funda a empresa Thawte, especializada en certificados dixitais e seguridade en internet, que posteriormente vende a VeriSign en decembro de 1999 por 575 millóns de dólares.

En setembro do 2000, formou HBD Venture Capital, unha incubadora de empresas e provedora de capitais de risco. En marzo de 2004 formou Canonical Ltd., para a promoción e soporte comercial de proxectos de software libre. En decembro de 2009, deixa de ser o director executivo de Canonical Ltd.

Viaxe espacial cara á ISS[editar | editar a fonte]

Foi o primeiro africano no espazo e o primeiro turista espacial surafricano. O 25 de abril de 2002, a nave Soyuz TM-34 despegou do cosmódromo de Baikonur cara á Estación Espacial Internacional cunha tripulación formada por tres persoas: o piloto-cosmonauta ruso Yuri Gidzenko como comandante da misión, o cosmonauta-investigador italiano Roberto Vittori e o cosmonauta-enxeñeiro surafricano Mark Shuttleworth.

O segundo cosmonauta "turista" na historia, despois do voo do millonario estadounidense Dennis Tito na Soyuz TM-32, prefire non ser considerado un simple turista, e por iso puxo gran énfase nos aspectos educativos e científicos da súa misión. Levou a cabo experimentos científicos nas áreas de fisioloxía e fenómenos de cristalización, así como outros relativos á investigación das células nai.

Logo de 8 días a bordo da Estación Espacial Internacional (e 10 días de estancia no espazo), a tripulación conformada por Gidzenko, Vittori e Shuttleworth regresou á Terra a bordo da Soyuz TM-33, naquel momento axustada á Estación. A misión da Soyuz TM-34 foi a cuarta que viaxaba á Estación Espacial Internacional e a última de dita variante TM da venerable nave, sendo substituída logo pola Soyuz TMA.

Véxase tamén[editar | editar a fonte]

Wikiquote
A Galicitas posúe citas sobre: Mark Shuttleworth
Commons
Commons ten máis contidos multimedia na categoría: Mark Shuttleworth

Outros artigos[editar | editar a fonte]

Ligazóns externas[editar | editar a fonte]