Marie Smith Jones
| Nome orixinal | (mi) Udach' Kuqax*a’a’ch  |
|---|---|
| Biografía | |
| Nacemento | 14 de maio de 1918 Cordova, Estados Unidos de América (pt)  |
| Morte | 21 de xaneiro de 2008 (89 anos) Anchorage, Estados Unidos de América |
| Datos persoais | |
| País de nacionalidade | Estados Unidos de América |
| Actividade | |
| Ocupación | lingüista |
| Lingua | Lingua eyak |
 | |
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
Marie Smith Jones nada en Cordova (Alasca) o 14 de maio de 1918 e finada en Anchorage o 21 de xaneiro de 2008, foi a última falante activa de eyak, unha lingua de Alasca.
O seu nome en eyak era Udach' Kuqax*a'a'ch, que significaba un son que chama pola xente dende lonxe.[1] Filla dun mariñeiro, Marie Jones (o seu nome de solteira) traballou dende os 12 anos nunha planta de envasado de conservas. Casou cun mariñeiro, William F. Smith, o 5 de maio de 1948, falante unicamente de inglés e tivo nove fillos, dos que a sobreviviron sete. Porén, non lles aprendeu a falar o eyak a ningún deles. Nos anos setenta mudouse a vivir a Anchorage, e deixou de ter contacto co contorno de poucos falantes que quedaban de eyak. En 1990 faleceu o seu último irmán, e dende aquela non volveu ter contacto con falantes nativos do eyak, e falou a súa lingua unicamente con lingüistas.
Durante os últimos anos dedicouse ao traballo de gardar e rexistrar a lingua eyak canda o lingüista Michael Krauss, que é o autor do dicionario e da gramática de eyak. Tamén se dedicou a labores ecoloxistas, de protección do medio ambiente de Alasca, e de reivindicación das linguas e culturas indíxenas de Norteamérica, motivo que a levou a falar nas Nacións Unidas en dúas ocasións. Morreu de causas naturais con 89 anos.
Foi nomeada xefa de honra dos eyak, e tíñase por ser a última persoa con sangue completamente eyak.[2]
Notas[editar | editar a fonte]
- ↑ Elizabeth Kolbert, "Last Words" Arquivado 08 de febreiro de 2008 en Wayback Machine., The New Yorker, 06.06.2005.
- ↑ Mary Pemberton, "Last full-blooded Eyak and fluent speaker of Native language dies" Arquivado 28 de xaneiro de 2008 en Wayback Machine., Associated Press, 22.01.2008.