Marco (anime)
| Marco | |
|---|---|
| 母をたずねて三千里 (Haha wo tazunete sanzenri) | |
| Anime Marco | |
| Dirixido por | Isao Takahata |
| Estudio | Nippon Animation |
| Canle televisiva | Fuji TV, Animax |
| Primeira emisión | 4 de xaneiro do 1976  1 de agosto do 2012 
|
| Última emisión | 26 de decembro do 1976 11 de outubro do 2012
|
| Núm. de capítulos | 52 |
Marco (母をたずねて三千里 Haha wo tazunete sanzenri?, lit. "Tres mil leguas na procura da nai") é unha serie de anime baseada no relato Marco, dos Apeninos ós Andes que está incluído na novela italiana Corazón de Edmondo de Amicis. Foi emitida orixinalmente no Xapón no ano 1976, dentro do contedor infantil World Masterpiece Theater. En España, emitiuse en varias canles como Televisión Española, Antena 3 e Tele5; o anime tamén está dispoñible nunha serie de DVD's distribuída por Planeta Junior.
Nos anos 80 lanzouse un filme usando os episodios da serie de TV. No 1999, Nippon Animation, fixo unha produción nova na que se lle deu un toque excepcional á animación; unha versión conmemorativa, cunha canción cantada por Sheena Easton: "Carry a Dream", que en galego quere dicir "Acada un soño".
Marco foi dobrado en varios idiomas e converteuse nun éxito inmediato nalgúns países como Portugal, Brasil, España, Uruguai, Venezuela, o mundo árabe e Israel.
En Galiza estreouse en galego o 1 de agosto do 2012 na segunda canle da Televisión de Galicia, a tvG2, dentro do seu contedor Xabarín Club.
Personaxes[editar | editar a fonte]
Familia de Rossi[editar | editar a fonte]
- Marco Rossi
Marco é o personaxe principal, un neno italiano de doce anos. É traballador, ledo e xeneroso. Un día recibe a noticia de que a súa nai debe ir á Arxentina para xuntar cartos para á familia. A familia segue ben por un ano, ata que un día deixa de recibir cartas da súa nai, por iso Marco, desesperado, decide partir á Arxentina na procura da súa nai. É aquí onde comeza as súas aventuras e penurias, atopándose no seu camiño con amigos que axudarano na súa procura.
- Anna Rossi
É a nai de Marco, debe emigrar á Arxentina en busca de traballo para axudar á súa familia. Na Arxentina aféctalle unha enfermidade mortal, pero a chegada de Marco axúdalle a superala. Finalmente ámbolos dous volven a Xénova.
- Pietro Rossi'
O pai de Marco, un esforzado doutor que ten unha clínica para os pobres. Cando Marco lle formula a idea de ir a buscar á súa nai, négase nun principio, pero máis tarde consente.
- Antonio "Tonio" Rossi
É o irmán máis vello de Marco, sempre trata de lle ver o lado bo a todo. Cando Anna emigra, decide ir a Milán para traballar nos trens, pero finalmente estuda e convértese en enxeñeiro.
- Amedio
É un simpático moniño tití proveniente do Brasil. Tonio agasállallelo a Marco e é a súa compaña durante toda a xornada.
Familia de Fiorina[editar | editar a fonte]
- Fiorina
É a mellor amiga de Marco, sabe manexar moi ben os monicreques. Era unha nena moi triste ata que coñeceu a Marco, quen mudou a súa vida, e deulle máis confianza.
- Peppino
É o pai de Fiorina, Concetta e Julietta, é un monicrequeiro. Decide irse de Italia, xa que a xente era moi avara, para probar sorte xunto coa súa familia na Arxentina.
- Concetta
É a irmá meirande de Fiorina, canta, baila e manexa os monicreques do espectáculo familiar.
- Giulietta
É a irmá meniña de Fiorina e Concetta. É unha nena moi feliz, pero alédase máis cando aparece Amedio.
Secundarios[editar | editar a fonte]
- Emilio
É o mellor amigo de Marco na Italia.
- Gina Cristini
É a xefa de Marco nunha empresa de transporte.
- Sr. Guillioti
É o segundo xefe de Marco, fabricante de botellas
- Ramón Mequínez
Un enxeñeiro agrícola arxentino a quen Marco coñeceu en Tucumán, cando a súa nai estaba enferma.
Lista de episodios[editar | editar a fonte]
- Artigo principal: Lista de episodios de Marco.
Ficha técnica[editar | editar a fonte]
| Función | Desempeñado por |
|---|---|
| Dirección | Patrocinio Takahata |
| Produción | Junzou Nakajima, Takaji Matsudo |
| Historia orixinal | Edmondo De Amicis (Corazón, do italiano Cuore) |
| Guión | Kazuo Fukasawa |
| Deseño dos personaxes e dirección de animación | Yōichi Kotabe |
| Animador auxiliar | Reiko Okuyama |
| Escenografía, Layout | Hayao Miyazaki |
| Director de Arte | Takamura Mukuo |
| Música por | Kouichi Sakata |
| Encargado de son | Yasuo Uragami |
Banda Sonora[editar | editar a fonte]
- Música por Kōichi Sakata
Versión Xaponesa[editar | editar a fonte]
- Abertura: Sōgen no Marco (por Kumiko Ōsugi)
- Peche: Kaasan Ohayō (por Kumiko Ōsugi)
Versión Galega[editar | editar a fonte]
- Abertura: Adeus, mamá (por Beatriz García)
- Peche: Somos dous (por Beatriz García)
Temas musicais[editar | editar a fonte]
- Xapón: (Abertura) "Sougen no Marco", (Peche) "Kaasan Ohayou" cantadas por Kumiko Ōsugi.
- Galicia (Abertura) "Adeus, mamá", (Peche) "Somos dous" cantada por Beatriz García.
Abertura[editar | editar a fonte]
- 1. "Adeus, mamá" [Sougen no Marco].
Peche[editar | editar a fonte]
- 1. "Somos dous" [Kaasan Ohayou].
Dobraxe[editar | editar a fonte]
| Personaxe | Actor de dobraxe Galicia |
Actor orixinal Xapón
|
|---|---|---|
| Marco | Ana Ouro | Yoshiko Matsuo |
| Peppino | Tacho González | Ichirô Nagai |
| Concetta | Chelo Díaz | Noriko Ohara |
| Fiorina | Marián Muíño | Mieko Nobusawa |
| Giulietta | Montse Davila | Sachiko Chijimatsu |
| Tonio | Nacho Castaño | Kazuyuki Sogabe |
| Anna | Charo Pena | Yukiko Nikaido |
| Pietro | Xosé Manuel Rodríguez | Kiyoshi Kawakubo |
| Emilio | Isabel Vallejo | Chie Kitagawa |
| Sr. Guillioti | Alfonso Valiño | Ryûsuke Shiomi |
Véxase tamén[editar | editar a fonte]
Ligazóns externas[editar | editar a fonte]
- 母をたずねて三千里 Páxina oficial (en xaponés).
- Marco na IMDb (en inglés).
- Marco en Anime News Network (en inglés).
- From the Apennines to the Andes Perfil da serie na páxina oficial de Nippon Animation (en inglés).
- Anime News Network - 3000 Leagues in Search of Mother Perfil da serie en animenewsnetwork.com (en inglés).
.png){kind=small}
