Marcel Pagnol

Na Galipedia, a Wikipedia en galego.
Cemiterio de La Treille onde está soterrado Marcel Pagnol.

Marcel Pagnol, nado en Aubagne o 28 de febreiro de 1895 e finado en París o 18 de abril de 1974, foi un comediógrafo francés. Marcel Pagnol foi académico de Francia desde 1946.

Traxectoria[editar | editar a fonte]

Deuse a coñecer en 1925 coa comedia antimilitarista Les marchands de la gloire. Tres anos máis tarde obtivo un grande éxito con Topaz, unha comedia sobre os politiqueos contemporáneos chea de ironía. Seguiulle a triloxía marsellesa Marius (1929), Fanny e César (as dúas de 1931). As comedias de Marcel Pagnol son de tipo naturalista e popular, suavizado mediante a caricatura benévola e toques sentimentais.

A partir de 1931 dedicouse fundamentalmente ao cinema, adaptando textos para numerosas películas. Adaptou tamén libros autobiográficos: La gloire de mon père (1958), Le château de ma mère (1958) e Le temps des amours (póstumo, 1977).