Manuel Taboada Roca
| Biografía | |
|---|---|
| Nacemento | 17 de xaneiro de 1904  Melide, España |
| Morte | 3 de marzo de 2006 (102 anos) Madrid, España |
| Datos persoais | |
| País de nacionalidade | España |
| Actividade | |
| Ocupación | xurista |
| Membro de | |
| Lingua | Lingua castelá |
| Familia | |
| Irmáns | Antonio Taboada Roca |
Premios | |
Manuel Taboada Roca, nado en Melide o 17 de xaneiro de 1904 e finado en Madrid o 3 de marzo de 2006, foi un xurista galego, Conde de Borraxeiros desde o 1 de outubro de 1958 e Marqués de Montesacro.
Traxectoria[editar | editar a fonte]
Fillo de Jesús Taboada Madriñán e Jesusa Roca Salgado. Licenciado en Dereito pola Universidade de Santiago de Compostela e doutor en Dereito pola Universidade Central de Madrid (1926), ingresou na carreira xudicial en 1928 e foi xuíz de instrución de Boltaña (Huesca), Ortigueira e Carballo, maxistrado do Tribunal Supremo do Corpo de Maxistrados de Traballo. Dirixiu a revista Foro Gallego (1950-1960) e realizou estudos biográficos, xenealóxicos e históricos. Foi académico da Academia Galega de Xurisprudencia e Lexislación e da Real Academia Española de Jurisprudencia y Legislación, correspondente da Real Academia Galega, e membro do Instituto Luis de Salazar y Castro do Consello Superior de Investigacións Científicas. Finou en Aravaca o 3 de marzo de 2006 aos 102 anos.[1][2]
Obras[editar | editar a fonte]
- Los Poderes generales para pleitos: facultades que otorgan y actividades procesales que no autorizan.
- Los Antiguos padrones de estado en los concejos rurales de Galicia.
- El Procesalista Herbella de Puga: vida y obras de este gran jurisconsulto, 1952.
- Los Títulos nobiliarios y su regulación legislativa en España, 1953.
- La rehabilitación de las mercedes nobiliarias: su verdadera naturaleza y consecuencias que contrariamente a sus fines ocasiona, 1972.
- Notas genealógicas sobre el jurista Gaspar Rodríguez, 1973.
- Los Requisitos de procebilidad en la casación civil española, 1980.
- Las Sucesiones nobiliarias y su regulación legislativa después de la Constitución, 1983.
- En defensa de la nobleza gallega de antaño, 1993.
Vida persoal[editar | editar a fonte]
Irmán de Antonio Taboada Roca. Casou en Ortigueira con Pilar Fernández Martínez o 12 de outubro de 1933,[3] e foi pai de Manuel, María del Pilar, María Jesús, María de la Concepción, María Teresa, María Socorro, María José e José Ramón Taboada Fernández.
Notas[editar | editar a fonte]
- ↑ ABC (Madrid) (ed.). "Hemeroteca". Consultado o 5 de agosto de 2017.
- ↑ Necrolóxica en La Voz de Galicia, 26-3-2006, p. 59.
- ↑ La Voz de Galicia, 18-10-1933, p. 9.
Véxase tamén[editar | editar a fonte]
Bibliografía[editar | editar a fonte]
- Isidoro Millán González-Pardo; et al. (2005). "Taboada Roca, Manuel". Gran Enciclopedia Galega (DVD). El Progreso. ISBN 84-87804-88-8.
