Manuel Pardo Becerra
| Biografía | |
|---|---|
| Morte | 8 de xuño de 1921  Lugo, España |
| Datos persoais | |
| País de nacionalidade | España |
| Actividade | |
| Ocupación | xornalista , avogado |
| Lingua | Lingua castelá |
Manuel Pardo Becerra, finado en Lugo o 8 de xuño de 1921, foi un avogado e xornalista galego.
Traxectoria[editar | editar a fonte]
Fillo de José Pardo Moinelo. Licenciado en Dereito civil e canónico (1886), foi avogado fiscal da Audiencia de Lugo. Con Amador Montenegro fundou en 1889 A Monteira, na que publicou no número inicial a primeira entrega dun artigo titulado "D'a fala gallega" no que se reclamaba a rexeneración da lingua galega. Colaborou en El Lucense e La Integridad. Foi presidente do Consello Diocesano da Adoración Nocturna e da Federación de Sindicatos Agrícolas. Fundou e dirixiu entre 1912 e 1921 a Caixa de Aforros e Monte de Piedade de Lugo.