Manuel Otero Acevedo

Manuel Otero Acevedo

Biografía
Nacemento	17 de abril de 1865 Rosario, Arxentina
Morte	19 de xuño de 1920 (55 anos) Pontecesures, España
Datos persoais
País de nacionalidade	España
Actividade
Ocupación	médico , xornalista
Lingua	Lingua castelá

Manuel Otero Acevedo, nado en Rosario o 17 de abril de 1865 e finado en Pontecesures o 19 de xuño de 1920, foi un médico e xornalista arxentino residente en Galicia.

Traxectoria

Fillo de Antonio Otero Moar, de Pontecesures, que emigrou a Arxentina, onde fixo fortuna e casou con Narcisa Acevedo. O seu pai enviouno co seu irmán José a Galicia e asentáronse en Pontecesures. Graduouse de bacharel no Instituto de Santiago de Compostela o 7 de novembro de 1882. Estudou Medicina na Universidade de Santiago de Compostela e doutorouse na Universidade de Madrid coa tese Etiología y tratamiento del Lupus tuberculoso (1891). Especializouse na cirurxía do sistema nervioso. Foi o primeiro neurocirurxián que realizou con éxito a operación cirúrxica do sistema nervioso simpático cervical en España. Dirixiu o Hospital Provincial de Pontevedra (1910). Compañeiro de Valle-Inclán en Compostela, era un declarado anticlerical, foi o restaurador da tuna compostelá, amigo de Pío Baroja. Combinou o seu interese como anticuario e orientalista coa paixón polo espiritismo e a teosofía. Colaborou no periódico compostelán Café con Gotas e foi fundador e director de Pero-Grullo (1888).

Obras

• La cirugía del sistema nervioso en España antes de la época actual, 1900.
• Resección total y bilateral del simpático del cuello, 1898.

Véxase tamén

Bibliografía

• Borobó (1986). "Otero Acevedo y el fantasma de Valle-Inclán". El fantasma de Valle-Inclán. Papeles de Borobó I. Sada: Do Castro. ISBN 84-7492-302-6. 
• Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 

Ligazóns externas

• Manuel Otero Acevedo, presidente de la Tuna Compostelana de 1888