Manuel Lechuga Boado

Manuel Lechuga
Información persoal
Nome	Manuel Lechuga Boado
Nacemento	6 de outubro de 1929
Lugar de nacemento	A Coruña
Falecemento	20 de xuño de 2020
Posición	Centrocampista
Carreira xuvenil
	Atlético Olmos
	María Pita
	Español
Carreira sénior
Anos	Equipos	Aprs	(Gls)
1947–1949	Xuvenil
1949–1957	Deportivo da Coruña	80	(14)
1949–1951	→ Xuvenil (cedido)
1956–1957	→ Oviedo (cedido)	11	(2)
1957–1958	Xerez	25	(5)
Partidos e goles só en liga doméstica. [ editar datos en Wikidata ]

Manuel Lechuga Boado, coñecido como Lechuga II, nado na Coruña o 6 de outubro de 1929 e finado o 20 de xuño de 2020, foi un futbolista galego. Xogaba de centrocampista.

Era irmán do tamén futbolista Lechuga I.

Traxectoria

Tras comezar a xogar ao fútbol en varios equipos coruñeses como o Atlético Olmos, o María Pita ou o Español, fichou en 1947 polo Deportivo Xuvenil, no que tamén xogaba seu irmán Lechuga I.

En 1949 fichouno o Deportivo da Coruña, que o cedeu dous anos de novo ao Xuvenil. Debutou co Deportivo da Coruña en Primeira División na tempada 1951–52, no primeiro partido de liga contra o Racing de Santander en Riazor, que rematou con vitoria local (2–1), logrando o segundo dos tantos coruñeses. Nesa campaña o adestrador do Deportivo era Chacho, que contou con Lechuga en 11 ocasións, nas que conseguiu tres goles.

Na tempada 1955–56 logrou o seu mellor rexistro goleador no Deportivo, anotando 7 dianas. Esa foi unha campaña moi convulsa, na que o conxunto coruñés evitou o descenso a Segunda División por un punto.

Na tempada 1956–57 xogou cedido no Real Oviedo, en Segunda División, volvendo ao Deportivo nos últimos partidos da campaña e desvinculándose do Deportivo ao remate desta.

A continuación xogou unha tempada no Xerez CD, antes da súa retirada.