Manoel Soto
| Nome orixinal | (es) Manuel Soto Ferreiro  |
|---|---|
| Biografía | |
| Nacemento | 6 de abril de 1944 Ourense, España |
| Morte | 27 de novembro de 2019 (75 anos) Hospital Álvaro Cunqueiro, España |
| Causa da morte | Morte natural (Cancro ) |
 Alcalde de Vigo | |
| 1979 – 1991 | |
| Datos persoais | |
| País de nacionalidade | España |
| Actividade | |
| Ocupación | político |
| Partido político | Partido Socialista Obrero Español Progresistas Vigueses |
| Membro de | |
| Lingua | Lingua castelá |
| Familia | |
| Cónxuxe | Purificación del Palacio Solá |
| Fillos | Paula, Beatriz, Patricia e Susana |
Manoel Soto Ferreiro, nado en Ourense o 6 de abril de 1944 e finado no Hospital Álvaro Cunqueiro de Vigo o 27 de novembro de 2019,[1] foi un político galego que foi alcalde de Vigo durante 12 anos.
Traxectoria[editar | editar a fonte]
Consultor de empresas e promotor de vendas, axudou na clandestinidade a fundar o PSdeG-PSOE en Vigo, e militou nel ata que no ano 1998 pediu a baixa no mesmo para fundar, xunto con outros exmilitantes do Partido Socialista e persoas independentes, o partido progresista e galeguista: Progresistas Vigueses, que máis tarde se fusionaría con outros partidos para crear Democracia Progresista Galega.
Co partido socialista foi alcalde de Vigo dende 1979 ata 1991. Co novo partido concorreu as eleccións de 1999 cando conseguiu un concelleiro. Antes das eleccións de 2003 incorporou á lista do partido a Agustín Arca Fernández de Unión Galega e xuntos conseguiron dous concelleiros. Durante o mandato o veterano político Agustín Arca faleceu e o seu posto foi ocupado polo mariñeiro e patrón de barco Xulio Alonso Vázquez.
En 2004 participou na constitución do Partido Galeguista Demócrata, do que foi nomeado secretario xeral. Reconstituíu o desaparecido Partido Galeguista, ao que se lle sumaron outros partidos independentes. Secretario xeral desa formación, concorreu ás municipais de 2007 como cabeza de lista por Vigo, pero non saíu elixido concelleiro. En xaneiro de 2008 deixou a secretaría xeral da formación.
Recibiu a distinción de presidente de hora do Real Club Celta.
Notas[editar | editar a fonte]
Véxase tamén[editar | editar a fonte]
Bibliografía[editar | editar a fonte]
- "Soto Ferreiro, Manoel". Dicionario biográfico de Galicia 3. Ir Indo Edicións. 2010-2011. p. 250.
- Barrera, F., ed. (2002). Gallegos. Quién es quien en la Galicia del siglo XXI (en castelán). El Correo Gallego. p. 550. ISBN 84-8064-113-4.
Outros artigos[editar | editar a fonte]
Ligazóns externas[editar | editar a fonte]
- "Muere Manoel Soto: una vida en imágenes" Arquivado 28 de novembro de 2019 en Wayback Machine. Faro de Vigo, 28/11/2019 (en castelán).
| Predecesor: Enma González Bermello |
 alcalde de Vigo 1979-1991 |
Sucesor: Carlos Príncipe |