Mail Art

Na Galipedia, a Wikipedia en galego.

Mail Art, Arte Postal[editar | editar a fonte]

Acostúmase asociar a creación da arte Postal (mail art) a Ray Jonson (1927-1995). Artista norteamericano, multifacético e inquedo, que estivo sempre relacionado cos principais creadores da súa época, dende músicos como John Cage, a escritores como Wiliam Carlos Wiliams.
É que tiñan todos eles en común?: A necesidade de traspasar calquera barreira no campo da creatividade, de retirar a súa produción do circuíto comercial e obvio, e de afondar cuestións propostas anteriormente polos dadaístas, surrealistas, expresionistas e por todos aqueles que fixeran ás vangardas históricas. Utilizando técnicas diversas, a arte postal, con data oficial de nacemento nos anos 50 (Correspóndanse Art School), e máis ca unha forma de arte (é unha forma de arte?) e é máis que unha forma de comunicación. É unha maneira única de tentar responde a algunhas cuestións que atravesaron o século XX: é posíbel a arte resistir / sobrevivir á masificación?.
Pode, aínda hoxe, existir un auténtico circuíto alternativo fora do mercado da arte? Ao subverter o papel reservado polo status quo a produción artística a ARTE POSTAL pode ser considerada un dos poucos medios de troco de informacións artísticas e que escapou a lei da cultura de masas.
É, antes doutra cousa, un medio expresivo de revalorización da comunicación interpersoal, unha practica saudabelmente anárquica contra o todo poderoso sistema mediático. Unha práctica que moitos artistas do inicio do século XX, como Kurt Schwitters, Tristán Tzara, Marcel Duchamp e Marinetti xa utilizaran sen un programa de intencións definido e que acaba por ser definida finalmente cando Johnson asóciase ó Fluxus, movemento xurdido nos anos 60, coñecido por prácticas subversivas nos mais diversos campos artísticos, dando continuidade ás propostas dadaístas da divulgación da “realidade do non arte”.
A arte postal congrega grupos marxinais de operación artística, que buscan axita-las vías convencionais de correspondencia, transformando todo en arte e así, transformando por este medio a propia vida.