Mack Sennett

Na Galipedia, a Wikipedia en galego.
Mack Sennett
Mack Sennett 1916.jpg
Nacemento Mikall (Michael) Sinnott
17 de xaneiro de 1880
Danville, Quebec
Falecemento 5 de novembro de 1960
Woodland Hills, California
Nacionalidade Flag of Canada.svg Canadá
Estados Unidos de América Estados Unidos
Profesión Director, actor
Ficha na IMDb

Mikall (ou Michael) Sinnott, nado en Danville (Quebec) o 17 de xaneiro de 1880 e finado en Woodland Hills (California) o 5 de novembro de 1960 foi un actor e director de cinema estadounidense, innovador do cinema mudo, coñecido como Mack Sennett.

Traxectoria[editar | editar a fonte]

Nado no Canadá, marchou a vivir coa súa familia a Connecticut e Massachusetts cando tiña dezasete anos. Alí foi onde comezou a idea de chegar a ser un cantante de ópera despois de ver un espectáculo de vodevil. En Nova York converteuse en actor, cantante, bailarín, pallaso, decorador e director para a American Mutoscope and Biograph Company.

En 1912 fundou os Keystone Studios, onde comezaron a súas carreiras actores como Marie Dressler, Mabel Normand, Charles Chaplin, Roscoe Arbuckle, Harold Lloyd, Gloria Swanson, Bing Crosby e W. C. Fields.

As comedias do xénero slapstick de Sennett destacaron polas súas salvaxes carreiras de coches e as batallas de tortas. A partir de 1915 incluía tamén un grupo de rapazas, coñecido como Sennett Bathing Beauties que aparecían en traxe de baño en curtametraxes e material promocional.

Sennett pasou con éxito ao cinema sonoro, sendo o primeiro en distribuír unha curta falada, en 1928. Tamén experimentou ocasionalmente coa cor.

O estudio de Sennett non sobreviviu á Gran Depresión e caeu na bancarrota en 1933. Retirouse aos 55 anos.

Filmografía[editar | editar a fonte]

Durante os seus vinte e cinco anos de carreira participou en máis de 1000 filmes sonoros e varias ducias de filmes falados.

Véxase tamén[editar | editar a fonte]

Commons
Commons ten máis contidos multimedia na categoría: Mack Sennett Modificar a ligazón no Wikidata

Bibliografía[editar | editar a fonte]

  • Lahue, Kalton (1971). Mack Sennett's Keystone: The man, the myth and the comedies. Nova York: Barnes. ISBN 978-0-498-07461-5.

Ligazóns externas[editar | editar a fonte]