Múm
múm (pronunciado [muːm] segundo o IPA,) é un grupo de música experimental islandés formado a finais dos anos noventa.
Índice |
Historia e compoñentes[editar]
A banda formouse en 1997. Os seus membros orixinais foron Gunnar Örn Tynes, Örvar Þóreyjarson Smárason,e as irmás xémeas Gyða e Kristín Anna Valtýsdóttir. En 2002, Gyða deixou o grupo para seguir cos seus estudos en Reykjavík. A comezos de 2006 tamén a súa irmá Kristín abandonou a banda, se ben isto non se soubo ata finais de novembro.
Estilo[editar]
Practican unha múscia experimental, na liña doutros grupos e solistas islandeses como Sigúr Ros ou Björk, caracterizada por voces e marmurios suaves, efectos electrónicos, golpes e unha ampla variedade de instrumentos clásicos (acordeóns, trompetas, violíns...) e tradicionais, que normalmente non desempeñan un papel fundamental, senón accesorio.
O nome da banda non quere dicir nada. Como explicaron os membros da banda nunha entrevista, múm é como dous elefantes que se estean tocando coas trompas, na súa referencia gráfica.
múm en Galiza[editar]
Este grupo islandés tocou ata o de agora unha única vez no noso país. Foi no auditorio dos Salesianos de Vigo, o 4 de maio de 2004, e no marco do festival Sinsal. Actuou diante deles Mugison e as butacas estaban practicamente cheas.
Discografía[editar]
Álbums[editar]
- Yesterday Was Dramatic – Today Is OK (TMT, 2000). Dobre LP de debú.
- Finally We Are No One (Fat Cat Records, 2002), máis próximo ao pop pero tamén con máis temas experimentais.
- Loksins Erum Við Engin (Smekkleysa Records, 2002) — que é a versión en islandés de Finally We Are No One
- Summer Make Good (Fat Cat Records, 2004), cun maior peso das voces.
Escolmas[editar]
- Blái Hnötturinn (Not On Label, 2001) (Soundtrack)
- Please Smile My Noise Bleed (Morr Music, 2001) (3 New Tracks + Remixes)
- Remixed (TMT, 2002) (Versións de Yesterday Was Dramatic -Today Is Ok)
Singles e EPs[editar]
- "The Ballad of the Broken Birdie Records" (TMT, 2000)
- "Green Grass of Tunnel" (Fat Cat Records, 2002)
- "Nightly Cares" (Fat Cat Records, 2004)
- Dusk Log (Fat Cat Records, 2004)
- The Peel Session (Fat Cat Records, 2006)(Maida Vale 4 Studio 2002)
Curiosidades[editar]
- Unha fotografía das irmás Gyða e Kristín Anna Valtýsdóttir usouse para a portada do álbum de Belle and Sebastian Fold Your Hands Child, You Walk Like a Peasant.
- As xémeas Gyða e Kristín teñen unha terceira irmá chamada, Ásthildur, que cantou co grupo na turné de 2002.
