Mérida, Venezuela

Na Galipedia, a Wikipedia en galego.

Coordenadas: 08°36′N 71°09′W / 8.600°N 71.150°W / 8.600; -71.150

Mérida
Banderademerida.png
Bandeira Escudo
Mapa
Venezuela Merida State Location.svg
Información
País Flag of Venezuela.svg Venezuela
Superficie 60 km2
Poboación 204.879 (2001)
Densidade 3,414/km²
Alcalde Lester Rodríguez Herrera
Mérida
Castelo de Mucuchies

A cidade de Santiago de los Caballeros de Mérida é a capital do concello de Libertador, no estado venezolano de Mérida. É unha das principais cidades dos Andes Venezolanos. A poboación da capital é 204.879 habitantes segundo o censo do 2001, e a área metropolitana, que inclúe o concello de Libertador, chega ás 300.000 persoas. Mérida representa o 28% da poboación total do estado, que ten máis de 750.000 habitantes.

En Mérida teñen a súa sé a Arquidiocese de Mérida e tamén a Universidade de Los Andes, constituíndo a maior cidade universitaria e turística do occidente venezolano. Entre os seus atractivos turísticos está o teleférico máis alto e segundo máis longo do mundo, así como un atractivo sistema de transporte colectivo coñecido como Trólebus Mérida.

Historia[editar | editar a fonte]

Mérida foi fundada por Juan Rodríguez Suárez o 9 de outubro de 1558, quen lle deu o nome da súa cidade natal, Mérida en Extremadura. Un ano despois Juan de Maldonado decidiu o seu traslado ao seu emprazamento actual. No momento da súa fundación formaba parte da Nova Granada. A cidade dependeu do correxemento de Tunja aínda que, no ano 1607, se constituíu como correxemento da Audiencia de Santa Fe de Bogotá. Máis adiante pasou a pertencer á Capitanía Xeral de Venezuela, desempeñando un papel activo durante a Guerra Revolucionaria.

Xeografía[editar | editar a fonte]

Mérida está situada a unha altitude de 1.600 metros, nun planalto de orixe aluvial coñecido como Tatuy, no val do río Chama, rodeado de bosques e fragas. A forma oblonga da cidade segue estreitamente o curso do río, que a percorre dun extremo a outro. A cidade atópase entre a Serra Nevada de Mérida polo sueste e a Serra La Culata polo noroeste. No horizonte érguese o Pico Bolívar, que é a montaña mais alta do país.

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia sobre: Mérida