Luis Miguel Arconada

Na Galipedia, a Wikipedia en galego.
Luis Arconada
Información persoal
Nome completo Luis Miguel Arconada Etxarri
Nacemento 26 de xuño de 1954 (59 anos)
Lugar San Sebastián, España
Altura 1,78 m.
Posición Porteiro
Carreira xuvenil
Lengokoak
Real Sociedad
Carreira sénior
Anos Equipos Aprs (Gls)
1972–1974 San Sebastián
1974–1989 Real Sociedad 414 (0)
Selección nacional
1972 España sub-18 4 (0)
1976 España amateur 2 (0)
1977–1985 España 68 (0)
Euskadi
* Partidos e goles só en liga doméstica.
† Aparicións (Goles)

Luis Miguel Arconada Etxarri, nado en San Sebastián o 26 de xuño de 1954, é un ex futbolista español. Xogaba de porteiro. Foi internacional coa selección española.

Traxectoria[editar | editar a fonte]

Xogou no Lengokoak da súa vila natal, de onde foi fichado pola Real Sociedade no ano 1970. Despois de varias tempadas no filial é ascendido ao primeiro equipo cando contaba con 20 anos de idade.

Ao principio, outros dous grandes porteiro Pedro María Artola e Urruti pechábanlle a porta da titularidade. Así a todo, Artola foise para o F.C. Barcelona, e Arconada xa ficou coma segundo porteiro. Debuta coa real nun partido da Copa da UEFA o 22 de outubro de 1975 contra o Liverpool FC. Xa nesta tempada alcanzou a titularidade, facendo que Urruti marchase ao RCD Espanyol para poder seguir en activo.

Carreira na Real[editar | editar a fonte]

Dende 1976 Arconada foi durante 13 años o dono indiscutible da portería donostiarra. A pesar de ser considerado un dos mellores porteiros do país, sempre foi fiel ó seu club, no que ficou toda a súa carreira profesional. Xogou un total de 551 encontros oficiais coa Real Sociedade, 414 de eles na Liga española de fútbol. Gañou con este club tódolos títulos que posúe no seu palmarés, participando nos maiores logros na historia deste club. Arconada foi o capitán da mellor xeración de futbolistas da Real xunto con Jesús Mari Zamora, López Ufarte, Jesús María Satrústegui, Alberto Górriz, Juan Antonio Larrañaga, José Mari Bakero, etc.. ás ordes de Alberto Ormaetxea e na parte final da súa carreira, de John Benjamin Toshack.

Foi subcampión de Liga no 1980 batendo a Real un record de imbatibilidade que aínda está vixente na Liga española de fútbol. Arkonada obtivo esa temporada o seu primeiro Trofeo Zamora. Nas dúas tempadas seguintes chegaron os dous títulos de Liga da Real e a nivel persoal outros dous Trofeos Zamora. No 1983 a Real gañou a primeira Supercopa de España e na Copa de Europa de 1983-84 a Real acadou as semifinais onde foi eliminado polo futuro campión, o Hamburger SV.

En toda a súa carreira só sufriu unha mancadura de gravidade, na primeira xornada de Liga da tempada 1985-1986, que provocou que se perdese toda a competición. O seu papel no equipo desempeñouno con notable actuación un xove porteiro chamado Agustín de Carlos Elduayen. Ao ano seguinte Elduayen foise ao Atlético de Madrid e Arconada retomou a titularidade.

En 1987 a súa abraiante actuación na tanda de penaltis permitiulle á Real alzarse co título de campión da Copa del Rey, tras empatar a 2 na final co Atlético de Madrid. Ao ano seguinte, en 1988, na útima gran campaña de Arconada coa Real, o equipo obtivo o subcampionato de Liga e Copa.

A súa retirada da Real Sociedade e do fútbol chegou en 1989, sendo tamén titular do equipo na súa derradeira tempada. Neses intres estaba a piques de cumprir os 35 anos.

O seu carisma, tanto dentro coma fóra do campo, levouno a se-lo ídolo de moitos afeccioados ó fútbol, que non eran necesariamente seguidores da Real Sociedade.

Fíxose coñecida a frase da afección txuri-urdin: "Non pasa nada temos a Arconada". Tralo seu retiro, o seu posto na portería txuri-urdin ocupouno José Luis González. Tódolos porteiros que dende 1989 ocuparon a portería realista tiveron e aínda teñen que sufrir comparacións con Arconada.

Dende que se retirou Arconada permanece á marxe do mundo do fútbol, dedicado a negocios privados. Porén, nos últimos anos o seu nome xurdiu de forma recorrente como posible candidato á presidencia da Real Sociedade. Esta candidatura, así a todo, aínda non chegou a materializarse.

Ten un irmán mais novo, Gonzalo Arconada, que foi adestrador da Real Sociedade durante uns meses en 2006.

Selección nacional[editar | editar a fonte]

Arconada foi o porteiro habitual da Selección española entre 1977 e 1985. Tamén foi o capitán en numerosos encontros.

En total xogou 68 encontros coa selección nos que encaixou 62 goles. Aínda a día de hoxe figura entre os 10 xogadores con máis partidos disputados na selección española.

Antes de debutar coa selección absoluta, Arconada formara parte Selección Olímpica nos Xogos Olímpicos de 1976.

Coa selección española debutou o 27 de marzo de 1977 nun encontro España-Hungría. Formou parte da convocatoria dp Mundial de Fútbol Arxentina 1978, aínda que non xogou nin un só minuto na Arxentina. Máis tarde foi o porteiro titular de España na Eurocopa de Fútbol 1980 en Italia, no Mundial de Fútbol España 1982 e na Eurocopa de Fútbol 1984 disputada en Francia.

O maior éxito logrado por Arconada coa Selección española foi subcampionato na Eurocopa de fútbol 1984 en Francia. Arconada realizó unha maxistral competición, aínda que lembrado por algúns polo erro com cometeu na final contra a Francia, onde o balón se lle escurreu por baixo do seu corpo tras un lanzamento de falta de Michel Platini.

Outra polémica famosa foi a negativa a vesti-las medias oficiais da selección. Uns atribúen este feito á súa condición de vasco, namentres que moitos outros consideraban que era unha superstición, xa que no seu club sempre vestía medias brancas e mantiña este costume na selección.

En 1985 a mancadura que sufriu Arconada apartouno da selección, non volvendo nunca máis a ser convocado. Esa praza ocupouna Andoni Zubizarreta.

Arconada tamén disputou algúns encontros amigables coa Selección de Euskadi.

Títulos[editar | editar a fonte]

Campionatos nacionais[editar | editar a fonte]

Título Clube País Ano
Liga Real Sociedade España 1981
Liga Real Sociedad España 1982
Supercopa Real Sociedad España 1982
Copa do Rei Real Sociedad España 1987

Distincións individuais[editar | editar a fonte]

Participacións nas Copas do Mundo[editar | editar a fonte]

Mundial Selección Resultado
Mundial de Fútbol España 1982 España Segunda fase

Véxase tamén[editar | editar a fonte]

Ligazóns externas[editar | editar a fonte]