Luis Cochón

Luis Cochón.

José Luis Cochón Touriño é un escritor e profesor de lingua e literatura castelá.

Traxectoria

Militante do PCE nos anos 60 e 70, é catedrático de lingua e literatura castelá no IES Rosalía de Castro, en Santiago de Compostela. Neste instituto coincidiu con Xesús Rábade Paredes, persoa coa cal mantén unha grande amizade. É un grande coñecedor das letras galegas e das españolas. Destaca polos seus traballos sobre Uxío Novoneyra e pola súa relación co Centro Ramón Piñeiro. En 2010 publicou Volvo do mar derradeiro, escrito na memoria de Herminio Barreiro.

Obras

Edicións

• Cartas de Ramón Cabanillas a Isidoro Millán González-Pardo en modo de antífona, 2011, Centro Ramón Piñeiro.
• Correspondencia habida entre Xosé María Álvarez Blázquez e Isidoro Millán González-Pardo, 2012, Centro Ramón Piñeiro.

Obras colectivas

• Epistolario de Ramón Piñeiro a Isidoro Millán González-Pardo (1952-1971), 2009, Centro Ramón Piñeiro.
• Cartas de poeta: de Uxío Novoneyra a Ramón Piñeiro (1953-1972), 2010, Consello da Cultura Galega. Coeditor.
• A casa! o val! a patria homilde! Celebración de Uxío Novoneyra (1930–1999), 2010, Centro Ramón Piñeiro.
• Celebración de Uxío Novoneyra, II (1930-1999), 2010, Centro Ramón Piñeiro. Coeditor.
• Esta coor de soidá (escolma poética), de Uxío Novoneyra, 2010, Follas Novas. Coeditor.
• Remuíño de prosas, de Álvaro Cunqueiro, 2011, Centro Ramón Piñeiro. Coeditor.

Véxase tamén

Ligazóns externas

• Vídeo de J.L. Cochón sobre Novoneyra en "Palabra de autor" (TVG).