Lucien Van Impe

Na Galipedia, a Wikipedia en galego.
Lucien van Impe en 2001.

Lucien Van Impe nado en Mere o 20 de outubro de 1946, foi un ciclista belga, que salientou nas etapas de montaña.

Traxectoria[editar | editar a fonte]

Iniciouse como profesional en 1969. Gañou o Tour de Francia de 1976. Tamén foi terceiro en 1971 e 1975 e segundo en 1981 tras Bernard Hinault e gañou 9 tiradas, pero o seu máis sonado logro foi acadar o Gran Premio da Montaña en seis ocasións nesa volta por etapas (1971, 1972, 1975, 1977, 1981, 1983).

No Giro de Italia tamén venceu na clasificación da montaña en dúas ocasións (1982 e 1983) e gañou unha tirada. Na Volta a España de 1979 foi quinto e adxudicouse unha etapa. Lémbranse os seus duelos na montaña con Eddy Merckx e Joop Zoetemelk. Retirouse en 1987.