Luciano Sobral

Luciano Sobral
	Luciano Sobral
; Alcalde de Poio
	17 de xuño de 1995 – 17 de xuño de 2023
Precedido por	Armando Couselo Soto
Sucedido por	Ángel Moldes Martínez
Datos persoais
Nacemento	1953 Poio, Galicia
Partido	BNG
Profesión	Autónomo de transporte

Luciano Sobral Fernández, nado en Poio en 1953, é un político galego do BNG.

Traxectoria[editar | editar a fonte]

Autónomo de transporte. Foi concelleiro e cabeza de lista do BNG en Poio dende 1979. Nas eleccións municipais de 1995 foi elixido alcalde de Poio co apoio do PSdeG-PSOE, formando un goberno bipartito. Nas municipais de 1999 e 2003 foi reelixido alcalde con maioría absoluta.

Nas municipais de 2007 perdeu a maioría absoluta e viuse obrigado a pactar co PSdeG-PSOE para mantela alcaldía, formando un goberno de coalición. En 2011 recuperou posicións e foi a forza máis votada, se ben non alcanzou a maioría absoluta, polo que volveu ser elixido alcalde co apoio do PSdeG e formou un novo goberno bipartito. En 2015 foi a forza máis votada e revalidou a alcaldía cun novo pacto de goberno cos socialistas. No 2019 foi amplamente superado en votos polo PPdeG, se ben este non alcanzou a maioría absoluta e puido manter a alcaldía mediante un pacto de goberno co PSdeG e Avante Poio. Non se presentou á reelección no 2023, sendo relevado como cabeza de cartel do BNG pola súa compañeira Marga Caldas e finalmente na alcaldía polo popular Ángel Moldes Martínez.