Lubián

Na Galipedia, a Wikipedia en galego.
Lubián
Situación xeográfica
País España España
Comunidade autónoma Castela e León Castela e León
Provincia Bandera de Zamora.svg Zamora
Comarca Sanabria
Xeografía
Altitude 1.024 msnm
Superficie 94 km²
Poboación
Poboación 354 hab. (INE 2011)
Densidade 3,77 hab./km²
Xentilicio Lubianés
Información
Código postal 49570
Alcalde Felipe Lubián (PSOE)
Páxina web www.ayuntamientolubian.es

Lubián é un concello español das Portelas na comarca de Seabra, ó noroeste da provincia de Zamora, en Castela e León. Está encadrado na denominada Alta Seabra e atópase situado xunto á provincia de Ourense, limítrofe á comarca de Viana, e próximo á fronteira con Portugal, á altura da rexión histórica de Tras os Montes. No seu termo municipal atópanse as localidades de Acibeiros, Chaos, As Edradas, Edroso, Lubián e Padornelo. Este concello galegofalante[1] é considerado tradicionalmente como un dos 48 concellos da Galicia estremeira.

Poboación[editar | editar a fonte]

Lubián posúe unha poboación moi avellentada, onde só o 4,14% da poboación ten 15 anos ou menos (SIE 2010).

Evolución demográfica
1991 1996 2001 2004 2011
441 307 355 362 354

Monumentos[editar | editar a fonte]

Entre os seus edificios sobresaen as escaleiras exteriores e os típicos balcóns da arquitectura sanabresa. Entre os seus monumentos destacan dende construcións relixiosas como a Igrexa de San Mamés de estilo barroco tardío ou o Santuario da Virxe da Tuiza, que conserva no seu interior a Virxe das Neves (patroa da Alta Sanabria), ata un castro celta como o de As Muradellas (século III a.C), pasando por trampas para a caza de lobos como o Cortello dos Lobos.[2]

O camiño[editar | editar a fonte]

Esta vila é o última do Camiño Mozárabe-Sanabrés ao seu paso por Castela e León. Nesta poboación o peregrino encontra a primeira das máis dun centenar de "pedras", todas diferentes, realizadas polo escultor ourensán Carballo e dispostas ao longo do trazado pola provincia de Ourense.

Festas[editar | editar a fonte]

  • Virxe da Tuiza: 5 de agosto.
  • Festa local: 8 e 9 de setembro.
  • Romaxe da Tuiza: Último fin de semana de setembro.
  • Tamén hai máis festas que organiza o concello.

Concello[editar | editar a fonte]

A alcaldía leva varias lexislaturas en mans do Partido socialista de Castela e León, sendo clave para iso a figura de Felipe Lubián, alcalde do concello desde 1979 e ata a actualidade[3].

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Concellos galegofalantes | provincia de Zamora : As Portelas

Hermisende | Lubián | Pías | Porto

Parcialmente galegofalante
Pedralba de la Pradería (Calabor)