Lourdes Domínguez

Na Galipedia, a Wikipedia en galego.
Lourdes Domínguez.

Lourdes Domínguez Lino, nada en Pontevedra o 31 de marzo de 1981, é unha tenista galega.

Traxectoria[editar | editar a fonte]

Comezou a xogar sendo unha nena, e aos 14 anos foi prepararse ao Centro de Alto Rendemento de Sant Cugat, en Barcelona, onde segue vivindo. O seu adestrador é Karin Perona.

Foi a primeira galega en gañar un torneo da WTA e a primeira galega en clasificarse entre as cen mellores xogadores de tenis do mundo e, despois entre as cincuenta. Tamén foi a primeira galega en lograr o pase á 3ª ronda dun Grand Slam, algo que conseguiu en dúas ocasións en Roland Garros: 2005 e 2009.

Deu positivo por cocaína no torneo de Acapulco de 2002, polo que se lle aplicou unha suspensión de tres meses.[1]

Palmarés[editar | editar a fonte]

Gañadora no aberto de Bogotá en febreiro de 2006 e finalista nese mesmo torneo en 2005, chegou a ocupar a posición 41ª do ránquin da WTA en maio de 2006. Nesa mesma tempada participou en tres dos catro torneos do Grand Slam, o Aberto de Australia, Roland Garros e Wimbledon e nos tres quedou eliminada en primeira rolda. Volveu gañar o torneo de Bogotá no 2011. En 2015 gañou o torneo ITF de Curitiba[2].

En dobres gañou seis títulos, en 2007 en Bogotá, no 2007 en Acapulco, no 2008 en Barcelona, no 2011 en Bastad, no 2013 en Acapulco e tamén no 2013 en Katowice.

WTA[editar | editar a fonte]

Torneo Posición Final contra Resultado Data
Bogotá (Colombia) Flavia Pennetta (Italia) 7-6 e 6-4 21 de febreiro de 2005
Bogotá (Colombia) Flavia Pennetta (Italia) 7-6 e 6-4 27 de febreiro de 2006
Budapest (Hungría) Anna Smashnova (Israel) 6-1 e 6-3 30 de xullo de 2006
Bogotá (Colombia) Mathilde Johansson (Francia) 2–6, 6–3, 6–2 20 de febreiro de 2011
Curitiba (Brasil) Dana Kovinic (Montenegro) 4-6, 6-2 e 6-3 8 de marzo de 2015

WTA (dobres)[editar | editar a fonte]

Torneo Compañeira Posición Final contra Resultado Data
Rabat (Marrocos) Nuria Llagostera (ESP) Loit e Strycova (FRA-CHE) 3-6 7-6 e 7-5 7 de maio de 2005
Budapest (Hungría) Marta Marrero (ESP) Loit e Srebotnik (FRA-SLO) 6-1 3-6 e 6-2 2005
Bogotá (Colombia) Paola Suárez (ARG) Roberta Vinci e Flavia Pennetta (ITA) 1–6, 6–3, [11–9] 22 de febreiro de 2007
Acapulco (México) Arantxa Parra Santonja (ESP) Nicole Pratt e Émilie Loit (AUS-FRA) 6–3, 6–3 3 de marzo de 2007
Barcelona (España) Arantxa Parra Santonja (ESP) María José Martínez Sánchez e Nuria Llagostera Vives (ESP) 4–6, 7–5, [10–4] 14 de xuño de 2008
Bastad (Suecia) María José Martínez Sánchez (ESP) Arantxa Parra Santonja e Nuria Llagostera Vives (ESP) 6–3, 6–3 9 de xullo de 2011
Acapulco (México) Arantxa Parra Santonja (ESP) Catalina Castaño e Mariana Duque Mariño (COL) 6–4, 7–6(7–1) 2 de marzo de 2013
Katowice (Polonia) Lara Arruabarrena (ESP) Raluca Olaru e Valeria Solovyeva (COL-RUS) 6–4, 7–5 13 de abril de 2013

Grand Slam[editar | editar a fonte]

Torneo Posición Ano
Aberto de Australia 1ª rolda 2006
Roland Garros 1ª rolda 2006
Wimbledon 1ª rolda 2006

Polémicas[editar | editar a fonte]

En 2010, e xunto con outras cinco tenistas españolas María José Martínez, Anabel Medina, Arancha Parra, Carla Suárez e Nuria Llagostera, anunciou a súa renuncia a participar na Copa Federación de tenis representando a España, en protesta pola falta de apoio ao tenis feminino por parte da Federación Española de Tenis[3].

Outros datos[editar | editar a fonte]

Mide 1.63 e é destra.

Notas[editar | editar a fonte]

Véxase tamén[editar | editar a fonte]

Commons
Commons ten máis contidos multimedia na categoría: Lourdes Domínguez

Ligazóns externas[editar | editar a fonte]